پتریوس: امنیت مسوولیتینی ریجه سینی توزگن
افغانستان ده گی خلقرا کوچ لر نینگ باش قومندانی دیوید پیتریوس اوشبو اولکه ولایت لری نینگ کنترول قیلیش مسولیتی نی افغان محلی حربی لریگه تاپشیریش جدولی ریجه سی نی توزگن. معلوم بولیشیچه اوشبو طرح توغریسیده کیله جک اون کون ایچیده ناتو باشلیغ لری نینگ لیسبون ده گی ییغیلیشیده ایتیب اوتیله دی . شوندی بیر حالتده ایسه امریکا ایلات لری نینگ تشقی ایشلر وزیری هیلاری کلینتن ، کیله جک ییلگه قدر افغانستان نینگ بعضی بیر حدود لری اوشبو اولکه نینگ حربی لری کنترولیگه اوتیشی گه ایشانچ بیلدیرگن. افغاانستان ده گی خلقرا کوچ لر نینگ باش قومندانی توزگن ریجه سی اساسیده کیله جک آلتی آی ایچیده اوشبو اولکه نینگ ایریم ولایت لری نینگ خوف سیز لیک مسولیتی خارجی کوچ لر دن افغان حربی لری کنترولیگه اوتیشی کیرک. اوشبو طرح اساسیده افغانستان غربیده جایلشگن هرات ولایتی نینگ خوف سیز لیک مسولیتی تیز آره ده افغان حربی لریگه تاپشیریله دی شوندی بیر حالتده ایسه افغانستان نینگ جنوبی ده گی قندهار همده هلمند ولایت لری نینگ کنترولی کیله جک ایککی ییلگه قدر ناتو کوچ لری نینگ مسولیتی آستیده قالیشی کوتیلماقده. افغانستان ده گی آیساف کوچ لری نینگ سوزچی سی سنسیت بلنسکی خانم گه کوره افغانستان نینگ ایریم منطقه لریده وضیعت یخشی و اولر بو منطقه لر نینگ مسولیتی نی افغان حربی لریگه بیریشگه تیار دیر. عین حالده امریکا ایلات لری نینگ تشقی ایشلر وزیری هیلاری کلینتن گه کوره ، کیله جک ییلی افغانستان حکومتی همده اوشبو اولکه خوف سیز لیک کوچ لری بعضی بیر حدود لرنینگ خوفسیز لیگی نی قولگه آلیشی ممکن . شوندی بیر حالتده ایسه افغانستان جمهور ریس سوزچیسی وحید عمر گه کوره مسولیت نی خارجی کوچلر دن آلیش جریانی اوزاق بیر جریان بولیب حاضرگی کونده ایسه کابل امنیتی افغان کوچلری قولیگه دیر. افغانستان مدافعه وزیرلیگی هم بوندن آلدین ، افغانستان خوف سیز لیک کوچ لری نینگ ظرفیتی شو درجه ده آشگن که ایسته گن پیتده خارجی کوچ لر دن مسولیت نی آلیشگه تیار دیب ایتگن ایدی. اوشبو حالتده قره گنده ایسه ناتو نینگ سونگی معلومات لر گه کوره ، هر چند افغان امنیتی کوچلری کوچلنتیریلگن بولسه ده بیراق پولیس حربی لری آره سیده ایشنی ترک ایتیش و اورته سطح ده بولگن حربی لر نینگ آزلیگی خوف سیز لیک کوچ لری نینگ اینگ کتته معما لریدن سنه له دی. اوشبو معلومات لر گه کوره ، ایشدن قاچگن حربی لر نینگ کوپچیلیگی عامه نظمی نی سقلش پولیسی بولیب اولر ناتو کوچلری منطقه ده تصفیوی عملیاتلر نی یولگه قویگن دن سونگ، منطقه گه جایله شه دیگن حربی لر دیر. بو حالتده قره گنده تجربه لی حربی رهبر لر نینگ آز بولگنی همده اوشبو اولکه نینگ ملی اردوسیده گی بیر قنچه حربی لر سواد سیز بولگنی اساسی معما دیر.
