افغانستان سیلاولری نینگ شکایت لریگه ایشیتوچی کمیسیونی ، 870 نامزد وکیل لر نینگ جریمه بولیشی نی معلوم قیلدی.
اوشبو نامزد وکیل لر ، کمپاین لریگه سیلاولر نینگ قانونی دن اطاعت قیلمه گن لری اوچون ، 50 مینگ افغانی دن تا 500 مینگ افغانی گه چه شکایت لر کمیسیونی تمانیدن جریمه تولشه دیلر.
شکایت لرنینگ تیکشیروچی کمیسیونی گه کوره ، جریمه بولگن اوشبو 878 کیشی ، کیله جک پارلمان ده یول تاپگن همده ناکام قالگن نامزد لردن عبارت دیر.
افغانستان سیلاولری نینگ شکایت لریگه ایشیتوچی کمیسیونی گه کوره ، جاری ییل ده بولیب اوتگن پارلمانی سیلاولری دن تشقری ، بولیب اوتگن باشقه سیلاولرده هیچ بیر زمان سیلاولر قانونی دن اطاعت قیلمه گن نامزد وکیل لر جریمه بولمه گن لر.
اوشبو کمیسیون سوزچی سی احمد ضیا رفعت نینگ ایتیشیچه ، پارلمان سیلاولری نینگ 878 نامزد وکیل لری ، سیلالر دستورالعملی دن اطاعت قیلمه گن لری اوچون ، سیلاولر کمیسیونی تمانیدن شکایت لرگه ایشیتوچی کمیسیونده تانیشتیریلگن.
رفعت جنابلری گه کوره ، سیلاولر مستقل کمیسیونی تمانیدن تعیین ایتیلگن زمانگه چه ، مالی خرجت لری نینگ اوشبو کمیسیونده گزارش بیرمه گن نامزد وکیل لر 50 مینگ افغانی جریمه بوله دیلر.
عین حالده حقوقی و حکمی شخص لر تماندن قانون تعیین ایتگن مبلغ دن کوره کوپراق مبلغ نینگ نامزد وکیل لر گه یاردم صفتیده بیریلگنی هم جریمه بیریش لری لازم.
رفعت جنابلری ، شکایت لرگه ایشیتوچی کمیسیونی نینگ جریمه روی خطی گه کیریتیلگن نامزد وکیل لر ایریم مبلغ گه جریمه بوله دیلر.
افغانستان پارلمان سیلاولری نینگ بولیب اوتیشی کوپ گینه جنجل لر بیلن یوزمه یوز بولگن.
سیلاولر مستقل کمیسیون ، سیلاولر نهایی نتیجه سی نینگ اعلان قیلیشی بیلن اوز ایشی نهایه ده ایتیشگنی نی ایتدی. اما سیلاولر نینگ شکایت لریگه ایشیتوچی کمیسیونی ایسه ، پارلمان سیلاولری نینگ نهایی نتیجه سی اعلان بولگنی دن کیین ، ایککی آی گه چه ، ایشی دوام تارتیشی نی اورغوله گن.
