فضل احمد معنوی: سیلاولر کمیسیونی هیچ کیم نینگ تاثیر آستیگه کیتمه یدی
افغانستان سیلاولر مستقل کمیسیونی ، باش قاره لاوچی تمانیدن پارلمانی سیلاولری باطل بولیشی نینگ طلب قیلیشی نی ، قانون دن تشقری بیر عمل دیشیب ، پارلمان سیلاولریگه هیچ کیم همده هیچ بیر نهاد نینگ اره لشه آلمه ی دی دیب اعلام قیلدی.
افغانستان باش قاره لاوچی سی ، بولیب اوتگن پارلمانی سیلاولری نهایی نتیجه سی نینگ باطل بولیشی نی محکمه دن طلب قیلگن .
عین حالده باش قاره لاوچی سیلاولر جریانیده کوپ گینه قلاب کارلیک بولگنی نی ایتیب ، اوشبو جریانده قول بار کیشی لر نینگ محکمه گه تارتیلیشی نی ایسته گن.
افغانستان پارلمان سیلاولری نینگ نهایی نتیجه سی اعلام بولگنی دن کیین ، افغانستان باش قاره لاوچی اداره سی بیلن سیلاولرکمیسیونی همده ، شکایت لرگه ایشیتوچی کمیسیونی آره سیده کوپ گینه جنجل لر یوز بیریب کیلماقده.
باش قاره لاوچیلیک ، پارلمان سیلاولر نینگ نهایی نتیجه سی بیکار قیلیشینی محکمه دن ایسته گنی دن سونگ ، بیرینچی دن سیلاولر شکایت لریگه ایشیتوچی کمیسیونی ، عکس العمل کورسه تیب ، قاره لاوچی نینگ اوشبو سوز لری نینگ ، بو نهاد برابریده ، سیاسی باسم لر قویماقچی دیب اعلام قیلدی.
عین حالده ، بوگون ، سیلاولر مستقل کمیسیونی ، باش قاره لاوچی تمانیدن یوریتیلگن سوزلر نینگ تأثیری آستیگه کیتمه یشی اوستیگه تاکید قیلدی.
مستقل سیلاولر کمیسیونی نینگ باشلیغی فضل احمد معنوی گه کوره ، سیلاولر نینگ هر ایککله کمیسیونی ، ایریم شخص لر همده گروه لر نینگ تورلی سیاسی هجوم لریگه قرشی جواب قه یترگن.
معنوی جنابلری نینگ ایتیشیچه ، مملکت باش قانونی همده سیلاولر قانونیگه ماس ، هیچ بیر نهاد ویا هیچ بیران شخص ، سیلاولر جریانی گه قول اوریش همده تیکشیریشی حقی گه ایگه ایمس .
فضل احمد معنوی بو خصوصده بونده ی دیدی.
"سیلاولر مستقل کمیسیونی نینگ نظری بو دیر که ، پارلمانی سیلاولر حاضر گی شرایطده یخشی بیر شکلده یولگه قوییلدی. همده اوشبو سیلاولر ، اوتگن سیلاو لردن کوره انچه معیاری شکلده بولیب اوتدی. شو اساس دن پارلمان گه یول تاپمه گن کیشی لردن تشقری ، خلق ارا هم جمعیت مملکت لر پارلمان سیلاولری نینگ حمایت قیلوچی صفتیده ، اوشبو سیلاولردن حمایت بیلدیردیلر.
اینه هم تاکید قیله من ، سیلالر نهایی نتیجه سی نینگ باطل قیلیشی ، خیال ، مهال و جنون دیر.
هیچ بیر مرجع بونده ی صلاحیتی یوق همده بیز هیچ کیم گه اوشبو بحث نینگ یولگه قوییشیگه رخصت بیرمه یمیز"
بو حالتده قرگنده ، افغانستان اهالی سی هم پارلمان سیلاولری نینگ نهایی نتیجه سی اعلام بولگنی دن کیین ، تاپیلگن جنجل لر خصوصیده خواطرده توشگن لر.
اما حقوقی نقطه نظریدن افغانستان جمهور رییسی حامد کرزی نینگ اوشبو جنجل لرگه نیمه اوچون اوزی دن انیق مناسبت بیلدیرمه گنی ، همده سیلاولر نینگ هر ایککله کمیسیونی قانون گه بناً عمل قیلگن ادعا لری بیلن قوشیمچه ، باش قاره لاوچی ، سیلاولر نینگ محکمه تمانیدن باطل قیلینیش طلب لری قنده ی بولگنی خصوصیده ، حقوق دان لردن بهروز جهان یار ایسه ، سیلاولر نینگ نهایی نتیجه سی اعلام بولگن بولسه هم قلاب کارلیک لرده قولی بولگن شخص لر نینگ محکمه گه تارتیشی قاره لاوچی نینگ ایشی دیر دیب ایته دی.
قاره لاوچیلیک نینگ اصلی وظیفه لریدن تحقیق قیلیش و عیبلش دیر. اوشبو عیبلاو ثابت بولیشی کیره ک ، همده عیب لاولرده یریشیلیشی کیره ک. بناً قاره لاوچی نینگ بو خصوصده حقی بار. دیب ایتدی حقوق اوقوتوچی سی بهروز جهان یار جنابلری
خوب ایندی شونده ی ایکن ، اوشبو قره مه قرشیلیکگه قرگنده ، ینگی نماینده لر کینگاشی قچان رسمی شکلده ایشی باشله نیشی حاضر هم بیللی ایمس.
عین حالده ، سیلاولر نینگ هر ایککله کمیسیونی بیلن باش قاره لاوچیلیک آره لریده سیلاولر نینگ نهایی نتیجه سی خصوصیده تاپلگن قره مه قرشیلیک لری نینگ انیقلنمه گنی هم ، خلق آره سیده گمان بولیب قالگن.
