قندهارده کی حمام ده انتحاری هجوم
افغانستان جنوبیده گی قندهار ولایتی نینگ پاکستان چیگره سی یقینیده جایلشگن سپین بولدک منطقه سیده یوز بیرگن انتحاری هجومده ، 17 کیشی هلاک بولگن و کمیده 23 کیشی جراحت لنگن.
افغانستان لیک ملازملرگه کوره، هجوم سپین بولدیک ده کی عمومی حماملر نینگ بیریده روی بیرگن و انتحارچی شخص ، چیگره پلیس باشلیغینی نشان گه الگن بولگن.
رسمی معلومات لرگه کوره پلیس باشلیغی هلاک بولیب و ایککی پلیس عسکری هم یره لنگن، اوشبو حادثه محلی وقت بیلن توشده یوزبیرگن.
قندهار حاکمی بیاناتیده باشقه قربان بولگن ویره لنگن لرنینگ همه سی عادی اهالی ایکنی تاکیدلنگن.
قندهار رسمیلری حادثه نینگ افغانستان دشمن لریگه نسبت بیرگن، لیکن طالبان گروهی بیر بیانات چیقاریب اوشبو حادثه مسوولیتینی اوز ضیمه سیگه الگنلر.
خبرلرگه کوره جنوبی قندهار ولایتی نینگ ایریم تومنلریده طالبان عصیانچیلرینی انچه فعال بولگنی ایتیلماقده.
عینی پیتده ناتو حربیلری ، 3 عسکرلری نینگ ایککی ایری حادثه ده هلاک بولگن لیکلریدن خبر بیرگن. اتفاق کوچلریگه کوره عسکرلر نینگ بیری جنوبده و ایککی ته سی ایسه افغانستان شرقیده یول چیککه سیده اورنه تیلگن ماین پارتلیش نتیجه سیده هلاک بولگن،اما هلاک بولگن عسکرلرنینگ کیم لیک حجت لری باره سیده حاضرگه چه معلومات بیریلمه گن.
