افغانستان یاقیلغی ماده لر کمچیلیگی نی حل ایتیشگه اورینماقده
افغانستان دولتی اوشبو اولکه یاقیلغی ماده لری کمچیلیگی نی اورته دن ایلتیش اوچون اونلب تن یاقیلغی ماده لرینی روسیه همده اورته آسیا مملکت لریدن سا تیب آلیش لرینی اعلام ایتگن.
بو قرار ، افغانستان تجارت چی لریگه تیگیشلی بولگن یوزلب یاقیلغی تانکرلرینی ایران اوز چیگره سیده تاخته تیب قوییب افغانستان گه کیریشیگه رخصت بیرمه گنلیگیدن، کیین آلینگن
ایران نینگ بو ندی قیلیشی افغانستان بویلب یاقیلغی ماده لر ی نینگ نرخی آشیب کیتیشیگه سبب بولدی ، سونگی هفته لر ده ایسه بیر قطار اهالی پایتخت کابلده جایلشگن ایران ایلچی خانه سی قرشیسیده کینگ ناراضی لیک نمایش لرینی اوییشتیردی لر .
افغانستان غربیدن جایلشگن هرات ولایتیده هم ایران دولتی نینگ بوندی عملی گه قرشی ایککی مرته ناراضی لیک نمایشی بولیب اوتدی .بی بی سی نینگ هرات ده گی مخبری گه کوره ایران ایلچی خانه سی قرشیسیده ییغیلگن یوز لب آدم لر ایلچی خانه تمان تخم همده تاش لر نی آتگن لر .
افغانستان تجارت وزیرلیگی گه کوره ایران مقام لری بیلن چیگره ده یاقیلغی ماده لر نینگ تاخته تیب قویگنی خصوصیده انیق بیر کیلیشوگه کیلمه گن لر ، و اولر افغانستان بویلب یاقیلغی ماده لر نینگ کم چیلیگی نی حل ایتیش مقصدیده باشقه بیر یول توتیش گه مجبور لر .
افغانستان تجارت وزیرلیگی که کوره باشقه یول لر دن بیری باشقه اولکه لر دن یاقیلغی ماده لرینی ساتیب آلیب افغانستان گه آلیب کیریش دیر
افغانستان تجارت وزیری انور الحق احدی کابل ده یولگه قوییلگن مطبوعات ییغیلیشیده کیله جک ایککی هفته ایچیده اون مینگ لب تن یاقیلغی ماده لری پاکستان و قزاقستان آرقه لی افغانستان گه کیریب کیله دی .
احدی جنابلریگه کوره کیله جک اوچ هفته ایچیده ایسه بوندن ده یوقاری مقدار ده گی یاقیلغی ماده لری روسیه همده اورته آسیا مملکت لریدن ساتیب آلینه دی .
افغانستان تجارت وزیری یاقیلغی ماده لرینی ساتیب آلیش خصوصیده گی شرطنامه نی امضا لش مقصدیده تیز آره ده روسیه گه یول آلیشی کوزده توتیلگن.
افغانستان هر ییلی حربی خرجت لریدن تشقری 2 میلیون تن تیل گه احتیاجی بار و بو نینگ یوقاری قسمی ترکمنستان ، قزاقستان ، روسیه همده عراق مملکت لری دن ساتیب آلینه دی .
بوندن آلدین هر کونی ایککی مینگ تن تیل ایران چیگره سی آرقه لی ترانزیت شکلیده افغانستان گه کیریب کیلر دی بیراق ایندی منه شو یاقیلغی ماده لر ایران همده افغانستان چیگره سیده تاخته تیلیب قویلیشی بیلن افغانستان اوز یاقیلغی ماده لری نی تامین لشده معما لر بیلن یوزمه یوز بولگن.
ایران حکومتی بو تانکر لر نینگ تاخته تیب قویشیگه سبب افغانستان ده گی ناتو کوچ لری بو یاقیلغی لر دن ایش آله یاتگنی دیب ایتگن.
بیراق افغانستان دولتی بو ماده لر نینگ آلیب کیلیشدن مقصد ایچکی بازار لریده ترقه تیش دیب تاکید قیلگن.
