افغانستان حکومتی وزیرلیک لریده 120 مصلحت چی جذب قیله دی
بریتانیا افغانستان مالیه وزیرلیگیگه آلتی اعشاریه 13 ملیون دالر یاردم بیردی. مذکور یاردم مملکت وزیرلیک لریده مصلحت چی جذب قیلیش مقصدیده بیریلگن.
افغانستان دولتی نینگ ترقیات ریجه سی اساسید ، مملکت وزیرلیک لری ظرفیت لری نینگ یوقاری ایلتیش اوچون ، 120 مصلحت چی جذب بولیشی کیره ک.
مالیه وزیرلیگی نینگ سوز چیسی عزیز شمس گه کوره ، 120 مصلحت چی دن حاضر گه در 20 کیشی سی دولتی اداره لرگه جذب بولگن لر.
مذکور ریجه دن حاضر گه قدر امریکا قوشمه ایالت لری ، ، بریتانیا ، و آلمان اولکه لری حمایت بیلددیرگن لر.
شو نینگ دیک بوگون بریتانیا نینگ خلق ارا ترقیات باشلیغی ، مملکت مالیه وزیری عمر زاخیل وال بیلن بیر کیلیشو امضا قیلدی.
اوشبو کیلیشو اساسیده ، بریتانیا دولتی ، افغانستان مالیه وزیرلیگیگه آلتی اعشاریه 13 ملیون دالر یاردم بیره دی.
مذکور یاردم ، حکومت وزیرلیک لریده مصحلت چی لر نینگ جذب قیلیشی اوچون صرفلنیشی ایتیلگن.
افغانستان مالیه وزیرلیگی نینگ سوزچیسی عزیز شمس ، حکومت نینگ حاضر گی ترقیات ریجه سیدن آلدین راق ، بیر قطار مصلحت چیلر ، خلق ارا تشکیلات لر تمانیدن یعنی حکومت ریجه سیدن تشقری وزیرلیک لرده جذب بولر ایدی لر لیکن حاضر بو مسئله کوپراق افغانستان حکومتی تمانیدن عملی بوله دی دیب ایتدی.
شمس جنابلری گه کوره ، افغانستان حکومتی ، هر وزیرلیککه مصلحت چی جذب بولیشی اوچون ملکی و تخنیکی همکارلیک لر اداره سی دیگن ناملی بیر اداره نی ایجاد ایتگن. مذکور اداره طریقی دن مصلحت چیلر جذب بوله دیلر.
مالیه وزیر لیگی نینگ مسوولریگه کوره ، مصلحت چیلر نینگ وزیرلیک لرده جذب قیلیش ریجه سی قریب بیر ییل دن بیری ، دولتی اداره لری ظرفیتی نینگ یوقاری ایلتیش مقصدیده ایجاد ایتیلگن.
بو حالتده قرگنده ، حاضر هم افغانستان حکومتی نینگ ایریم وزیرلیک لریده ، تشقی مصلحت چیلر ایریم بولیم لرده ایش آلیب باره دیلر. اوشبو مصلحت چیلر نینگ سانی قنچه لیگی ، مالیه وزیرلیگی هم انیق بیلمس لیگی نی معلوم قیلگن. اما شونده ی بولسه هم ، بیر قطار منتقد لر ، خارجی تشکیلات لر تمانیدن خارجی مصلحت لر انچه پول لر نینگ صرفلنه یشی بیلن حاضر هم مملکت وزیرلیک لری خلق گه قانیقرلی بیر شکلده خذمت ایشیتیریشیگه قادر بوله آلمه گن لر.
