استیضاح بولگن ایککی وزیر، ملت وکیل لرنی قناعت بیردیلر
Image copyright.اولوسی جرگه تمانیدن استیضاح بولگن مالیه وزیری عمر زاخیل وال وا یچکی ایشلر وزیری بسم الله محمدی اوزدفاعیه لرینی ایلگری سوریشی بیلن ملت وکیللرنی قناعت لنتیردیلر.
اما شوندی بولسه هم ایریم ملت وکیللری بوقرار گه قرشی لیک بیلدریب اولرنی جواب لرینی قانیقرلی بولمه گنینی ایتدی آنه شو قرمه قرشی لیک لر ایسه جنجل لرگه هم سبب بولگن.
شونینگ دیک ملت وکیللریدن بیری جدی قرشی لیک بیلدرگنی باعث اولوسی جرگه باشلیغی بویورغی گه ماس امنیتی کوچلر تمانیدن عمومی یغیندن زور بیلن چیتلنتریلدی .
افغانستان مالیه وزیرلیگی تمانیدن تصدیق لنگن ییللیک بودجه دن تشقری میلیاردلر افغانی نینگ صرف ایتیلیشی همده ایچکی ایشلر وزیرلیگی کاپیساده ناتوتمانیدن هوای هجوم یولگه قویلگنی گه ناتوغری معلومات بیرگنی گه عیبله نیب. ایککی وزیر استیضاح بولیشگه قرار آلیگنی اساسی عامل دیب کورسه تیلگندی.
بوگون عمومی یغینده چقریلگن افغانستان مالیه وزیری عمر زاخیل جواب بیره یاتگن پیتی ایریم ملت وکیللر نینگ قرشی لیگی بیلن دوچ کیلدی .ناراض وکیللر اونینگ ارتیق صحبت قیلیشگه ایزین بیرمه دیلر .
شو قرمه قرشی لیک لر جریانیده اعتراض بیلن چیققن ملت وکیللریدن بیر اولوسی جرگه باشلیغی بویوروغی اساسیده امنیتی کوچلر تمانیدن جلسه دن چیت لنتریلدی.
ایچکی ایشلر وزیری بسم الله محمدی هم ملت وکیللری سوراق لریگه جواب قیتردی. بولرنینگ جواب لری توگه یشی بیلن علنی راگیرلیک یولگه قویلدی اکثریت ملت وکیللری ایسه بو ایککی وزیر نینگ جواب لرینی قانیقرلی بیلیب اولرگه ایشانچ آواز بیردیلر.
استیضاح بولیشی کوتیله یاتگن وزیرلرنیگه اکثریت آوزنی قولگه کیتریشی قادیر بولدی بوحقده ملت وکیللریدن شیرولی وردک :"ایککی وزیر هم قانیقرلی جواب بیردی مثال ایچکی ایشلر وزیری قانونگه قرشی عمل قیلگن دیب فکرقیلرایدیک جواب لرگه کوره قانون ایاق استی بولمه گن. اونی ایتییشچه کاپیساده گی هجومده سککیز باله هلاک بولدی اونگه پلیس دخیل ایمس ایکن. محلی پلیس توغریسده بیرگن جوابی هم قانیقرلی ایدی"
اما ملت وکیللریدن بیری ایریم معماله لر اساسیده ایککی وزیر قیته ایشانچ اواز الدی دیب ادعا قیلدی.
فاریاب ملت وکیلی محمد هاشم اورتاق معما بولگنی باره سیده حجت یوق لیگنی تاکیدلب بیراق، بو ایککی وزیر نینگ استیضاح بولیشی اوچون امضا چیککن، ملت وکیللرینی اوز قراریدن قتیش لری. پارلمان ابروسی گه فتور یتکزیشی دن خواطر بیلدیردی.
افغانستان اولوسی جرگه سی مجلیس نینگ 20فایز اعضاسی تکلیفی اساسیده مالیه و ایچکی ایشلر وزیرلرینی استیضاح بولیشگه قرار الگندی. عینی حالده قرق فایزدن یوقاری یللیک بودجه سینی مصرف قیله آلمه گن وزیرلرنی هم جواب گرلیککه چقریلیشینی اعلان قیلیب قانیقرلی جواب بیرمه گن وزیرلرنی هم .استیضاح بولیشی بیلن اگاه لنرگندی. لیکن اکثریت ملت وکیللری استیضاح اوچون چقریلگن ایککی وزیرنی جواب لرینی قانیقرلری دیب بهاله دی.
