سمنگانده حاکم گه قرشی نمایش اویوشتیریلدی
سمنگان ولایتیده بوگون یوزلب اهالی بو ولایت حاکمی خیرالله انوش گه قرشی نمایش اویوشتیریب، اونی لوازمیدن چیتیله تیلیشینی سوره گن. نمایشچلر حاکم گه قرشی شعار بیریب اونی ولایتده خذمت قیلمه گنلیکده عیبلشگن. اما ولایت حاکمی بو نمایش اونگه قرشی بولگن انیق بیرنیچه شخص تمانیدن اویوشتیریلگنی نی ایتگن.
نمایش ایرته لب ساعت اونده آییبیک شهریده باشلندی.
نمایشچیلر اولآ سمنگان شهریده توپله نیب، کیین ولایت حاکمی بناسیگه قره ب آلیشگن. اولر ولایت حاکمی خیرالله انوش نینگ استعفاسینی طلب قیلیشماقده.
اولر حاکم گه قرشی شعار بیریشدی.
اما سمنگان ولایتی ولایت کینگشی اعضالریدن بیری عوض بیک، بو نمایش، سیلاولر مستقل کمیسیونی ولایت کینگشیگه اوزینی نامزد قیلگن سناتور آصف نینگ اسمی نی نامزدلر رویخطی دن آلیب تشله گندن کیین، اویوشتیریلگن دییدی. اونگه کوره، سناتور آصف اسمی آلیب تشلنگنلیگیده ولایت حاکمی خیرالله انوش نی عیبدار دیب تنیگن.
سمنگان حاکمی بی بی سی بیلن بولگن صحبتیده سناتور آصف نی جنایت و سواد سیزلیکده عیبلب، سیلاولرده نامزد قیلیشده هم ییترلی حجتلرینی رویخط دن اوتکزمه گنینی ایتماقده.
اونگه کوره، سناتور آصف اهالی نی اونگه قرشی نمایش اویوشتیریشگه باشقرگن.
بیز بوحقده مذکور سناتورنینگ فکرینی اورگه نیشگه حرکت قیلدیک، اما موفق بولمه دیک.
نمایشچیلر، حاکم نی کفایتسیزلیک و قیته قوریش ایشلرینی بجرمه گنلیکده عیبله گنیگه قره مه ی، ایریم سمنگانلیکلر حاضرگی حاکم ولایت ده مثلی کوریلمه گن درجه ده خذمت قیلگنی نی تیلگه آلماقده لر.
سمنگانده بوندن بیش ییل مقدم اوشه پیتده گی حاکم گه قرشی کینگ نمایش اویوشتیریلیب، اونده هم نمایشچیلر حاکم نی کفایت سیزلیکده عیبلب، اونی لوزامیدن چیتله تیلیشینی طلب قیلیشگندی.
