تنباکومحصولاتی آلدینی آلیش قانون لایحه سی جنجاللرگه سبب بولدی

افغانستان اولوسی جرگه سی تنباکومحصولاتی نی استعمال ایتیش نینگ آلدینی آلیش قانون لایحه سی نی ملت وکیللری تاماندن قرشی فکرلرو نصاب نی تولدیرمه گن لیگی سبب تصویب ایته آلمه دی.

بولایحه 5فصل ییگرمه 25ماده دن عبارت بولیب بونینگ مهم ماده لری یاپیق محللرده سکرت وقیلون استعمال ایتیلمسلیگی، اون سکیزیاش نی تولدیرمه گن یاشلرگه بوماده لردن استعمال ایتیش منع ایتیلیشی سیغدیریلگن.

شونینگ دیک عاموی خبر واسطه لری بوماده نی استعمال ایتیش گه قرشی تبلیغی برنامه لرنی تیکین نشرایتیش لری طلب قیلینگن.

بیر قطار ملت وکیللری بولایحه ده کیلتیریلگن ماده لردن ایریم لریگه اوزگریش کیلیشی وبونی استعمال ایتیلیشی اسلام دینی گه قرشی بولگن دیب فکرلر بیلدیریلیشی وبولایحه تصویب ایتیلیشی اوچون آوازگه قوییلیشی نصاب نی تولدیره دیگن وکیل لر موجود بولمسلیگی سبب تصویب ایتیلمی قالدی.

اولوسی جرگه نینگ ساغلیق ویاشلرایش لری بوییچه کمیسیون باشلیغی داکتر نقیب الله فایققه کوره بو قانون نی ایشلب چیقیب جاری ایتیشدن مقصد باسقیچ مه- باسقیچ سکرت، قیلون وتنباکو محصولاتی دن تیارلنه دیگن ماده لرنی استعمال ایتیلیشی نی بوتکل منع ایتیش شرایطی یره تیش بولگن.

شونینگ دیک او بوقانون آرقه لی خلق معلومات آشیریلیب اوشبو محصولات دن باشقه ماده لرنی ایشلب چیقیریش رواجلنتیریش واستعمال ایتیلیشی نینگ آلدینی آلیش بولگن.

بو لایحه وزیرلرکینگشی ، ساغلیق نی سقلش و عدلیه وزیرلیگی تماندن تیارله نیب کیین پارلمان نینگ ساغلیق ویاشلر کمیسیونی گه جونه تیلگن.

بو لایحه ده یاپیق محللرده تنباکو محصولاتیدن تیارلنگن سکرت استعمال قیلگن کیشی منع ایتیلیشی و18یاشنی تولدیرمی بوماده دن استعمال قیلگن هربیرشخص 300افغانی جریمه ایتیلیشی قید ایتیلگن.

هرچند بولایحه نی تیارلشده ساغلیق ساحه سیده گی متخصص لر، اطراف محیط نی تازه سقلش اولوسی جرگه نینگ اکثر کمیسیون لری بیلن شریک قیلینیب بیرقطار اوزگریش کیلیش بیلن مجلس گه حواله ایتیلگن. شونده ی بولسه هم بوگون بیرقطار ملت وکیللری بولایحه گه قره ته تورلی خیل فکر بیلدیردیلر.

.ایریم وکیللرهم تنباکومحصولاتی نی استعمال ایتیش نینگ آلدینی آلیش قانونی اسلامی مملکت لرده بارلیگی نی ایتیب بوقانون تصویب ایتیلیشی بوماده نینگ استعمال ایتیلیشی نی آلدینی آلیشی نی ایته دیلر.

شونینگ دیک ایریم وکیللر لایحه ده خارجدن آلیب کیلنه دیگن سکرت سالیغی آزلیگی نی ایتیب سکرت استعمال نینگ آلدینی آلیش اوچون سالیق نی کوپ راق قوییلیشی نی مهم دیب تیل گه آلدیلر

تنباکومحصولاتی ودخانیات ماده لری نینگ آلدینی آلیش قانونی قرشی وموافق بحث لرگه سبب بولیشی اوچون بوگون مجلسده تصویب ایتیلمی کیله سی کونلرده تشلندی.

وکیللردن ینه بیری اگر بوقانون تصویب ایتیلمسه ، دخانیات ماده لرینی استعمال ایتیش دوام ایتیشی نی معلوم قیلدی.

ملت وکیللریدن بیری سکرت چیکیش 18 یاشدن یوقاری بولگن کیشی لرگه حقی بولگن دیب قانون لایحه سیده کیلگنی توغری ایمس لیگی نی تاکیدله دیلر.

اولوسی جرگه نینگ ایریم وکیللریگه کوره بوماده هم نشه قیلگنی افغانستان اساسی قانونی وهم اسلام بویروغی اساسیده قرشی لیگی سبب حرام بولگن.

بو لایحه ده افغانستان مدنیت وخبرلر وزیرلیگی ساغلیق وزیرلیگی بیلن بو ماده نی استعمال ایتیش ضررلی ایکن لیگی نی عاموی خبر واسطه لری آرقه لی خلققه ییتکزیشگه مسوول بولگنی قید ایتیلگن.

هرچند سکرت چیکیش عملی افغانستان اهالی سی آره سیده اوزاق زمانلردن بیری موجود بولیب کیلگن.اما سونگی ییللرده قیلون استعمال قیلیش مرکزلر کوپ سانده آچیلیشی وسکرت دن یاشلر کوپ راق استعمال قیلیش حاللری کوپه ییب باره یاتگنی کوزه تیله دی بوایسه ساغلیق نی خوف آستیده قویگنی اوچون اهالی نینگ تشویش لریگه سبب بولیب کیلماقده.