قالین بازاری ینه جانلنماقده
Image copyrightBBCPersian.comافغانستان تجارت اتاقی بومملکت نینگ قالین صادرات حجمی اوتگن ییل گه نسبتن اوچ برابر آرتگنیدن خبربیرگن. بونگه دنیا بازارلری طلب لری نظرده توتیلیب قالین ایشلب چیقریله یاتگنی ومملکتده بوساحه اعتبار قره تیله یانگنی سبب قیلیب کورسه تیله دی.
یقینده افغانستان قالینی، آلمان مملکتیده دنیا بویلب یولگه قوییلگن قالین کوزگزمه سیده اوسکارمکافاتی نی بیرینچی بولیب ایگلله دی.
افغانستان ده کوپچیلیک اهالی قالین شغلی درآمدی بیلن کون کیچیره دیلر. بوصنعت دنیااعتبارینی اوزیگه جلب قیلگن بولسه هم سونگی ییللرده بازاری سست له شیب کیتگن ایدی.
افغانستان ده کوپچیلیک اهالی قالین صنعتی بیلن شغلله نیب کون کیچیریش لری اوزاق زمان لرگه باریب تقیله دی. اما اخیرگی ییللرده قالین بازاری سسترب وبوشغل ایگه لری کوپچیلیگی بوکسب نی ترک ایته باشله دیلر. بونگه سبب ایریم مساله لریانیده دنیا بویلب اقتصادی انقراض یوزبیرگنی سبب قیلیب کورسه تیله دی.
اما حاضرافغانستان تجارت اتاقی بوییل ینه قالین بازاری جانلنه یاتگنی دن بشارت بیرماقده.
افغانستان تجارت اتاقی نینگ باشلیغی قربان حقجو افغانستان قالین صادراتی میلادی 2007ومیلادی 2008 ییللرگه نسبتن پس بولسه هم اوتگن ییل گه نسبتن بو ییل 3برابرکوپه یگنی نی تیل گه آله دی.
" تجارت اتاقی ییغیشتیرگن معلوماتی گه کوره، 1391ییل نینگ 9آیلیک صادراتی نی 1392ییل نینگ 9آیلیک صادراتی بیلن شالیشتیریب کوریلسه،بوییل 330فایز آشگنی نی کورسته دی، اوتگنی ییل عین مدتده صادر ایتگن قالینیمیز19.2میلیون دالر ایدی، اما بو ییل خارجگه صادر قیلگن قالینیمیز توپلم 64میلیون دالرگه توره ده ، بوایسه کیلگوسی ییللرده بوصنعت رواجله نیشی وصادرات حجمی آشیشگه امید توغدیره دی".
قالین تجارلریگه کوره افغانستان قالینی خارجی لر اعتبارینی ینه ده جلب ایته یاتگنی گه زمان طلب لریگه برابر یوقاری صفتده قالین ایشلب چیقرگن لری بولگن.
"اعتباربیرمسدن قالین ایشلب چیقیریش نتیجه سیزبوله دی، بیزافغانستان گه فخرآلیب کیلیشیمیزایشچیمیزگه وصفت گه اعتبارقره تدیک بیرینچی دن ایپ، دیزاین یونگ قالین نفیس وبردواملیگی نی انابت گه آلیش بیلن بویوتوققه ایریشدیک " دییدی قالین سوداگرلری
بوییل قالین بازاری رواجلنگنی قالین چی لیک بیلن کوپ چیلیک اهالی بند بولگن فاریاب ولایتی قالین بازارلری گه تاثیرتشلب بازارنی جانلنتیرگن می بوحقده قالین فروش لردن امین الله" میمنه قالین بازاری جانلنمه گن، اوشه ایسکی حالتیده تورگن، ممکن کته شهرلرگه تاثیرقویگن دیر، فاریاب ولایتی کوپ مقدارده قالین ایشلب چیقره دیگن ولایت لردن بیری حسابلنه دی، بو ولایت قالین چی لری یوقاری صفتیده قالین چیقریش قابلیتی گه ایگه لر. اما پایتخت دن اوزاقده جایلشگن لیگی اوچون قالین تجارلری نینگ اعتباریدن چیتده قالماقده، دولت اعتباری هم پس، ایسته یمیز دنیاده بولیب اوته دیگن قالین کورگزمه لریده بیزلرهم دعوت ایتیلسک" دییدی او
افغانستان نینگ قالین صادراتی میلادی 207ییلده 262میلیون دالربولگن ایدی. واوشه پیتده بومملکت دن ییلیده ایکی میلیون مترمربع قالین ایشلب چیقریلشی ایتیله دی. اما قالین نینگ اوشه ییللردن کیین ییل مه ییل بازاری سست له شیب کیته یاتگنی سبب ایشلب چیقریش میزانی وصادرات حجمی هم گه اوز سلبی تاثیرینی قویدی. بونده دنیا ده گی اقتصادی انقراض سبب قیلیب کورسه تیله دی بوبیلن قالین توقیب روزگارتیبره دیگن قتلم هم بوکسب نی ترک ایته باشله دیلر.اما ایریم قالین ایشی بیلن شغللنه دیگن لربونینگ بازار قیته جانلنگن حالده ینه بوکسب گه یوزکیلتیریشلرینی ایته دیلر.
معلومات لرگه کوره حاضرگی کونده افغانستانده قالین ساحه سی گه عایدتورلی ایشلربیلن شغللنه دیگن لرسانی بیرمیلیون کیشی ییته دی.
افغانستان تجارت اتاقی قالین صنعتی اونگیده تورگن معمالرنی برطرف ایتیب رواجله نیشی اوچون دولت تماندن خصوصی سکتورلر کوپراق سرمایه یاتقیزیشی اوچون زمینه یره تیلیشی، خارجدن آلیب کیلینه دیگن فابریکی قالین لرنی رخصت بیرمسلیک یوللرده گی اداری فساد آلدینی آلینیشی، قالین صنعتی پارک لری نی ایجاد ایتیلیشی، پاکستانده بولگن قالین توقییدیگن افغان لرنی مملکت گه کیلیشی اوچون زمینه یره تیش واولرگه شهرچه لرایجادایتیلیشی اوچون جدی یاردم بیریشی کیره ک لیگی نی معلوم قیله دی.
آلمان مملکتی ده هرییلی قول بیلن تیارلنگن قالین کورگزمه سی یولگه قوییله دی. افغانستان هرییلی اوز قالین لرینی کورگزمه گه قویه دی. بوییل 60مملکتدن 1600قالین ایشی بوییچه فعالیت قیله یاتگن شرکت لراوز قالین لری نی کوزگرمه گه قویگن ایدی. اما افغانستاندن اشتراک ایتگن 6شرکتدن بیری نینگ ایکی قالینی اوسکارمکافاتی نی قولگه کیریتیب بیرینچی اورین نی ایگللشگه قادر بولدی. بوایسه دنیا اعتباری افغانستان قالین لریگه قیته جلب ایتیلیشی اوچون کته موفقیت صفتیده بهالنماقده.
