کابل پلیس اداره سی نینگ معلوم قیلیشیچه، کابل شهری نینگ آلتینچی ناحیه سیده یوزبیرگن پارتلش عاقبتیده بیر عایله گه تیگیشلی بولگن اوچ کیشی هلاک وباشقه تورت کیشی یره لنگن.
بوحادثه بوگون چهارشنبه کابل شهری نینگ چهارقلعه چهاردهی ناملی منطقه سیده یوزبیرگن.
کابل پلیس اداره سی گه کوره، پاتلاوچی ماده یاقیلغی ماده ایچیده بولگن، یاقیلیغی ماده نی ایسیتگیچ گه یاقیش اوچون قویه یاتگن بیرپیت پارتلاوچی ماده پارتلب کیتگن. بو حادثه نتیجه سیده بیر عایله گه تیگیشلی بیرباله داخل اوچ کیشی قربان بولگن.
پلیس اداره سی بوعایله کم بغللیکدن اوتیننی کوچه دن تیریب کیلگن بولیشی ممکن لیگینی ایتگن. مسوول لرگه کوره، پارتلاوچی ماده هم کوچه دن کیلتیریلگن اوتین ایچیده بولیشی ممکن.
بوندن آلدین لر هم افغانستان نینگ ایریم ولایت لریده اوروش دن قالگن پارتلاوچی ماده لر پارتله گنی خبرقیلینگن ایدی. لیکن کابلده بوکبی پارتلش یوزبیریشی جوده آز کورینگن.
