افغانستان ایلک بارفضاده ستلایت خذمتی گه ایگه بوله دی

افغانستان مخابرات وزیرلیگی گه کوره کیلگوسی بیرآیده افغان ست 1 ستلایت ناملی فضاد ده فعال بولیب اوز خذمتی نی اهالی گه کورسه تیشی ممکن.

بوگون بو وزیرلیک بیلن اروپالیک شرکت لردن بیری بیلن بولایحه نی کیلگوسی مدتگچه عملگه آشیریش شرطنامه سی امضالندی.

بوصنع یولداش ایشگه توشیشی بیلن بوتون مملکت اهالی سی گه انترنیت، تیلفون وعاموی خبرواسطه لری نینگ کورسته دیگن خذمتی یخشی لنه دی.

بو شرطنامه بوگون کابلده یوتل سیت شرکتی مسوولی بیلن افغانستان مخابرات وزیری آره سیده امضالندی.

افغانستان مخابرات وزیرلیگی افغانستان نینگ بیرینچی بار فضاده افغان ست 1ناملی صنع یولداش گه ایگه بولیشی نی اهمیت لی و کته موفقیت دیب معلوم قیلدی.

افغانستان مخابرات وزیری امیرزی سنگین بومملکت گه تیگیشلی مهاوره کیلگوسی بیرآیده فعال بولیشی نی بیلدیردی.

" یوتل ست شرکتی بیلن کیلشوونامه اساسیده، بولایحه ایشی بیرآیده عملگه آشه دی، چون اولرنینگ فضاده ستلایتی بار، فقط اورنی اوزگرتیریله دی، اوایسه افغان موقعیتی گه آلیب کیلینه دی، خدا خواه لسه بیرآیده خذمت کورسه تیش امکانی گه ایگه بوله دی، بو بیز اوچون کته امتیازبولگن" دییدی افغانستان مخابرات وزیری امیرزی سنگین

شونینگ دیک افغانستان مخابرات وزیری گه کوره بو ستلایت 48شرققه اورنه تیلیب بونینگ فعال بولیشی بیلن تیلفون، انترنیت خذمتی وتلویزیون ترماقلری اهالی گه کورسته دیگن خذمتی کینگه ییب همده صفتی هم یخشی بوله دی.

"بوستلایت اوچ بولیمده خذمت کورسته دی، اگر تلویزیون، انترنیت وتیلفون دن عبارت بولگن ترماق لرفضاده بو ستلایت گه اولنگن تقدیرده، کورسته دیگن خذمت علاقه لری یخشی لنه دی، حتی اوزاق حدودلریعنی تومن لر بیلن هم علاقه لریخشی تامیلنه دی"

فضاده بولگن هربیر ستلایت خذمت مدتی اینگ آز اون بیش ییل بولگن، افغانستان اوچون بیریلگن بو ستلایت بوندن اون ییل آلدین فضاده بولگن.ینه بیش ییل فعالیت قیلیشی تاکیدلنه دی.

عین پیتده یوتل ست شرکتی مسوولی میشل دیروزل بومملکت نینگ ستلایت گه ایگه بولیشی نی اهمیت لی دیب ایتدی.

"ستلایت تکنالوژی سی منفعت لی بیرامکانیت دیر، بو فضا نینگ 36000 کیلومترلیگیده توره دی، کورسته دیگن خذمتی ییرنینگ ییرنینگ بیرقسمی نی قاپلب آله دی، ایکینچی منفعتی هم صنع یولداش فضاده اورنه تیلگن کوندن اوزخذمتی نی کورسته باشله یدی، بوبیرافغانستان نی قاپلب آلمه یدی بلکه قوشنی مملکت واورته آسیا ده هم خذمت کورستیشگه ایگه بوله دی" دیروزل جنابلری

افغانستان مخابرات وزیرلیگی نینگ معلوم قیلیشیچه بوستلایت ایشگه توشیب کورسته دیگن خذمتیدن ییلی ده 15میلیون دالردرآمد قولگه کیله دی بوندن 4میلیون دالری مذکورخارجی شرکت گه تولنه دی.

هربیرصنع یولداش نی فضا گه جونتیشگه 200میلیون دالردن 300میلیون دالرگه قدرخرجت طلب قیله یاتگنی ایتیله دی .

اما افغانستانگه تعلقلی فعال بوله دیگن بو ستلایت خرجتی نی مذکور شرکت توله گن.

ایتیلیشیچه بولایحه نی عملگه آشیشی ایکی یریم ییل طلب قیلگن.