افغانستان نينگ 50 فايز مكتبلري بنا سيز قالماقده
معارف وزيري فاروق وردك افغانستان نينگ 32 ولايتي ده 11 مينگ اوقيتووچي قبول بوليشي دن خبر بيردي.
وردككه كوره، مملكت بويلب 50 فايز مكتبلر بناسيز بوليب، اوقووچيلر آچيق آسمانده درس اوقيشه دي.
اونينگ ايتيشيچه، حاضرگي كونده 16 مينگ و 600 مكتب فعال بوليب، اولردن 50 فايزي بنالي و قالگنلري كره گه آلينگن اوي و چاديرلرد دن عبارت.
افغانستان معارف وزيري ايركين سيناو آرقه لي 11 مينگ اوقيتوو مملكت نينگ 32 ولايتيده گي مكتلرده قبول ايتيليشيني معلوم قيلدي.
اوتگن كون كابلده آلينگن امتحانده 30 مينگ كيشي اوقيتووچيليك كسبيگه امتحان تاپشيرگن و اولردن اكثريتي عالي معلوماتلي شخصلردن عبارت ايتگني ايتيله دي.
اوقيتووچي اينقسه عيال معلم لر آزليگي و تدريس اوچون شرايط مهيا بولمه گني اساسي معمالردن بيري.
وردك جنابلري گه كوره، كابلده گي مكتبلرنينگ 53 اوقيتووچيلريني عياللر تشكيل بيره دي، اما بو رقم افغانستان بويلب 31 فايز دير.
او شونينگ ديك، عموم ولايتلرده گي مكتبلرني رواجلنتيريش و عيال معلملرساني ني آشيريش اوچون، معارف وزيرليگي عيال معلملرني شرعي محرملري بيلن مكتبلرده قبول قيلينيشي ني نظرده توتگني ني ايتگن.
اونگه كوره، بو معلم لر اوچ ييل مدتي گه ولايتلرگه يوباريليشي ممكن.
خبرلرگه كوره، 2003 هر يوز اوقووچي دن 21 ته سي قيز باله بولگن، اما بو رقم 2012 22 نفرگه آشگن.
وردك جنابلري بو معمالرني برطرف ايتيش اوچون قيزباله و اوغيل باله لراوچون قوشمه مكتبلرقوريليشي نظرده توتيلگني ني ايتدي.
اونگه كوره، بير ايركك نينگ سواد و تعليم اورگنگني بير كيشي افاده له آله دي، اما بير عيال نينگ تعليم اورگنگني، جماعه و عايله گه ايجابي تاثير اوتكزه دي.
او شونينگ ديك، سونگي ييللرده معارف ده عياللرنينگ حضوري كيسكين آشيب بارماقده دييدي.
وردك جنابلري افغانستان جنوبيده گي ارزگان ولايتي ني مثال قيليب، بيرنيچه ييلگچه، بو ولايت نينگ بوتون ساحه لريده فقطگينه 9 ته معلم آلتينچي صنفگچه تدريس قيليب كيلگني باره سيده توختلدي، اما اونگه كوره، حاضر ايسه 2200 ارزگانليك قيز مملكت بويلب معلم تربيه لش مركزلريده اوقيشه دي، دييدي او.
