توقیز ولایت نینگ قلبکی آواز شکایتلری تیکشیریلدی
افغانستان سیلاو کمیسیونی نینگ شکایت بوییچه کمیسیونی سیلاولر جریانیده مرکزی حوزه لریده عملگه آشیریلگن قلابلیکلر باره سیده تاپشیریلگن شکایت عریضه لرینی تیکشیردی، اما تیکشروو نتیجه لری نامزدلرنماینده لرینی قانیقتیرمه دی.
شو مسله یوزه سیده بوگون مدنی جماعه چیلیک اعضلری، سیلاو نظارتچیلری، عاموی اخبارات واسطه لری و نامزدلر نماینده لری حضوریده آچیق جلسه لر یولگه قوییلیب، اونده کابل، پروان، کاپیسا، میدان وردک، لوگر، پنجشیر، بامیان، دایکندی و غزنی ولایتلری نینگ شکایت عریضه لری تیکشیریلدی.
شکایتلرنی تیکشیرووچی کمیسیون، جلسه جریانیده هر بیر ولایت گه قره شلی شکایت عریضه لر آلدیندن بیلگیلنگنینی ایتدی.
بوکمیسیونگه کوره، شکایتلر مسنتد لر، شکایت کمیسیونی نینگ تیکشیروویدن اوتگن عریضه لر و شونینگ دیک، استیناف و قضایی شکایتلر انیق گواه و حجت بولمه گنی باعث، ولایتده گی مرکزلر ده هم آلدین دن کوریب چیقیلگن.
سیلاو شکایتلرنی تینگلش کمیسیونی معاونی ریدا عظیمی بوگونگی آشکارا ییغین نی مرکزی زون مقیاسیده یولگه قویدی.
بو آچیق ییغینده، جمهور رییسلیک نامزدلرنینگ نماینده لر وباشقه شخصیتلر گه نسبتآ قوییلگن شکایتلرباره سیده اوزلرینی مدافعه قیلیش اوچون فرصت بیریلدی.
مذکور جلسه ده اورته گه قوییلگن شکایتلردن اکثریتی عبدالله عبدالله و اشرف غنی احمدزیلرگه قره شلی بولگندی، اما نامزدلرنماینده لری اورته گه قوییلگن حجتلرنی قانیقرلی بیلیشمه دی.
بو شکایتلرده قلابلیک، صندوقلرنی آوازلرگه تولدیریش، سیلاولر محللری نینگ انتظامی نی برهم اورگنلیک، زوره وان شخصلرنینگ اره لشگنی و نامزدلرنینگ نظارتچیلریگه رخصت بیریلمه گنی قید ایتیلگن.
شکایتلرنی تیکشرووچی کمیسیون بو آچیق جلسه لر باشقه بیش کونگچه دوام ایتدیریلیشی نی ایتدی. بو ییغینلرده ایکی مینگ دن آرتیق شکایت تیکشیرووگه آلینه دی ونتیجه لرینی کیله سی هفته اعلان قیلینیشی ممکنلیگی نی ایتدی.
اوتگن هفته، شکایت کمیسیونی تمانیدن بیکار اعلان قیلینگن 234 دن آرتیق آواز باره سیده آچیق ییغین اوتکزیلدی و مذکور رایلر باطل اعلان قیلیندی.
