ارگواهالی سی: جسدلریمیزتوپراق تگیدن چیقریلیسن
بدخشان ولایتی نینگ اهالی سی توپراق تگیده قالگن عایله اعضا وقرینداشلری توپراق تگیدن چیقریلیشی باره سیده اعتبار قره تیلیشی نی سوره ماقده لر.
ارگوتومنی ده یوزبیرگن ییرکوچگیسیده 300 گه یقین کیشی هلاک بولگن.
اما بیرکون آلدین جسدلرنی چیقیریش عملیاتی توپراق کوپ توشگنی سبب حکومت تاماندن توخته تیلگن.
بدخشان ولایتی نینگ آب باریک قیشلاغی نینگ بیرقطار اهالی سی ییرکوچگیسی سبب توپراق تگیده قالگن عایله اعضالری توپراق تگیدن چقیریلیشی نی سوره ماقده لر. حاضرتوپراق تگیده یوزلب کیشی جسدی قالماقده.
بدخشان ولایتی نینگ ملت وکیلی فوزیه کوفی جسدلرنی چیقریش اوچون دولت نی سست یاندشگنی باره سیده عیب له یدی."قیدیروو عملیاتی اوتکزیلمه گن، فقط اهالی اوزی بیل وکلنگ بیلن جسدلرنی چیقریش اوچون حرکت قیلگندی، توپراق کوپلیگی سبب امکانیت بولمسلیگیدن بونی دوام ایتدیره آلمه دیلر، بوباره ده حکومت مسوولیتی هم بار، عمومی دفن ایتیش باره سیده قرارآلیش اهالی گه ناامیدلنتیرووچی بیرمساله، حکومت خواه لسه جسدلرنی دولت ونادولت تشکیلات لردن یاردم سوره ب چیقریشی ممکن ایدی" دییدی خانم کوفی
شونینگ دیک افغانستان انسان حق لرینی سقلش کمیسونی اعضالریدن وحیدالدین ارغون انسان کرامتی گه حرمت کورسه تیش اوچون تورپراق جسدلرچیقریلیشی کیره کلیگی نی تیل گه آله دی. شونینگ دیک او بو مساله گه دولت اعتبارقره تمه گنی بیلدیره دی.
اما افغانستان بوییچه طبیعی حادثه لرگه قرشی کوره ش کمیته مسوولی دایم کاکرگه کوره هرچند اویلرگه توشگن توپراق بلندلیگی20 متردن توتیب قریب 70 مترگه قدر بولگن. اما اواهالی ایسته سه جسدلرنی توپراق تگیدن چیقریش لری ممکن دیدی."مین آقسقاللرگه قطعی شکلیده ، جسدلرنی چیقریش نی ایسته سنگیزلرچیقریب بیره میزدیب ایتدیم،اما باشقه تماندن قرینداشلری کیلیب اولرنی ملامت قیله دی نیگه جسدلرینگیز چیقرمه یسیزلردیب، اولر تیزراق قرارلرینی آلسین لر، اوشنگه قره ب بیزایشنی باشله یمیز" دییدی کاکرجنابلری
شونینگ دیک افغا نستان بوییچه طبیعی حادثه لرگه قرشی کوره ش کمیته مسوولی دایم کاکر توپراق کوپ حجمده بولیشی گه قره مسدن توپراق نی کوترگن تقدیرده یانیده تورگن تیپه نینگ چوکیش احتمال تهدیدی کته بولگنی نی هم معلوم قیله دی.
بیراق بوندن بیرکون آلدین دولت بو حادثه سبب توپراق تگیده قالگن کیشی لرنی قیدیرووقوتقریش عملیات نی توختلگنی نی اعلان ایتیب اوشه محل نینگ عاموی قبر قیلینیشی باره سیده قرارآلگن ایدی.
بدخشان ولایتی نینگ ارگو تومنیده یوزبیرگن ییر کوچگیسی ده حاضرگه قدر 285کیشی توپراق تگیده قالیب هلاک ایتیلگنی خبر قیلینگن. بوندن فقط 7جسد توپراق تگیدن محل اهالی سی تاماندن چیقریلگن باشقه سی شونده ی قالگن.
شونینگ دیک بو حادثه ده 300تورربنا هم توپراق تگیده قالیب کیتیب و اهالی بار یوغی نی هم قولدن بیرگن.
دولت ونادولت تشکیلات لرتاماندن ییگولیک آذوقه وچادرلر جبر کورگن اهالی گه
بوگون افغانستان جمهور رئیسی تیگیشلی اداره لرگه بو خصوصده جدی اعتبار قره تیشلری باره سیده بویروغ بیرگنی خبر قیلینماقده.
