تاشقرغان بوغیزیدن آدملر قنده ی قیلیب اوته یپتی؟
افغانستان مرکزی نی شمالی بیش ولایت بیلن بوغله یدیگن تاشقرغان بوغیزنی نینگ جمعه کوندن بیری کیسیلیب قالگنی، یوزلب یولاوچیلرنینگ ایکی تمانده قمه لیب قالیشیگه سبب بولگن.
بو بوغیز اوتگن جمعه کونی روی بیرگن سوو تاشقینلریده بوتونلی ویران ایتیلگن.
افغانستان دولتی پیاده آدملر اوچون بوگون مذکور بوغیزده ایش باشله گن، اما یولاوچیلر جانی نی خطرگه قوییب، سوونی کیزیب اوتیشگه حرکت قیلماقده لر.
بی بی سی اوزبیک خذمتی نینگ مزارشریف ده گی مخبری حیات شیبان بوغیزده گی وضعیتنی یقین دن اورگنگن. اونگه کوره، روی بیرگن سوو تاشقینلری بوغیزنینگ یوز متر مسافه ده گی یولینی بوتونلی ویران ایتگن و هلی هم سوو شدتلنیب آقماقده.
جمعه کون دن بیری یاپیلیب قالگن تاشقرغان بوغیزی نینگ قیته تعمیرلش ایشی بوگون افغانستان فواید عامه وزیرلیگی تمانیدن باشلنگن و یول قوروچی شرکت لردن اوچ کون ایچیده پیاده آدملرنینگ اوتیب ـ قیتیشیگه یول آچیب بیره دی.
شو مناسبت بیلن مملکت فواید عامه وزیری نجیب الله اوژن بوغیزگه سفر قیلیب، ایش جریانینی یقیندن کوزه تگن، وزیرگه کوره، بوغیز نقلیه واسطه لر یوزیگه باشقه بیر هفته ایچیده آچیلیشی ممکن:" بیز تورت بیش کون ایچیده پیاده آدملر اوچون یول نی آچییشگه حرکت قیله میز، اما نقلیه واسطه لرنینگ اوتیب قیتیشیگه بیرهفته وقت کیره ک. بیز شو هفته ده بار امکانیت دن فایده لنیب زمینه یره تیشیمیز ممکن".
وزیرنینگ ایتیشیچه، بونینگ اساسی قوریلیشیده کمیده میلیون دالرخرجت صرفله نیشی ممکن.
عین حالده، سمنگان ولایتی آلینگن باشقه بیر خبرگه کوره، بو ولایت نینگ یوقاری دره صوف تومنده گی بلند تاغلردن بیری جایی دن سیلجیگنی عاقبتیده، 50 دن آرتیق عایله اوی جایلرینی ترک ایتیشگه مجبور بولگن. بوحقده تومن حاکمی احمد علی حسنی بی بی سی گه خبر بیرگن.
اما کابل نی شمالی ولایتلربیلن باغله یدیگن تاشقران بوغیزی نینگ جمعه کون دن بیری یاپیلیب قالگنی، انسانلر حیاتیگه سلبی تاثیر اوتکزیب، آذیق آوقت و باشقه ضروری ماده لرنینگ نرخی آشیشیگه سبب بولگن.
اهالی مذکور یول تیزده قوریلمه گن تقدیرده، یامان وضعیت گه روپه ره بولیشلری ممکنلیگی باره سیده آگاه لنتیرماقده لر.
