يونس قانوني: افغانستان دولتي دوست ودشمن ني بيلگيلشی كيره ك
افغانستان جمهور رييسي نينگ بيرينچي معاوني محمد يونس قانوني سيلاولرنينگ ايكينچي دورگه كيتيشي باره سيده گي حاضرليك كوريش مناسبتي بيلن اوتكزيلگن خوفسيزليك ييغينده چيقيش قيليب، دولت ني دوست و دشمن ني بيلگيلش اوچون علاحيده سياست آليب باريشگه چقيردي.
بو ييغينده افغانستان مدافعه، ايچكي ايشلر، ملي خوفسيزليك اداره سي و بيرقطار يوقاري مرتبه لر رسميلر اشترك ايتيشگندي.
قانونيگه كوره، دوست ودشمن ني تنيگندن كيين، ملي اردو، ملي پوليس وملي خوفسيزليك يوقاري مرتبه لي رسمي لری دن باشلب عسكرني تقديرلشگه امكان تاپيله دي.
اونينگ ايتيشيچه، هلي هم افغان هوايي كوچلري كشف، جهازله نيش و مخصوص عملياتلراوچون قطار حربي جهازلرگه احتياجي بار.
افغانستان حكومتي نينگ تنقيد قيله ديگن لر حامدكرزي ني هردايم دولت وقوراللي مخالفلر اورته سيده گي مناسبتلر باره سيده تنقيد قيليب كيلگن.
اينيقسه بگرام قماقخانه سيدن بيرقطار مخالف محبوسلرنينگ قوييب يوباريليشيني كيسكين تنقيد قيلگنلر. امريكا هم قوييب يوباريلگن اوته خطرلي 88 محبوس ني قوييب يوباريلگني ني منطقه اوچون تهديد ايكنيني بيلديرگن.
اما يونس قانوني مملكت خوفسيزليك كوچلري زمانوي حربي جهازلربيلن جهازلنمه گني گه قره مه ي، افغانستان خوفسيزليگي ني تامينلشده قادر ايكني ني بيلديردي.
قانوني جنابلري بوندن ايكي آي مقدم بيرينچي معاون مارشال فهيم اولگني دن سونگ، بو لوازمده تعيينلندي.
او حامدكرزي نينگ چينگه سفر قيلگن بير چاغده بيانات بيرگن.
عين حالده، مملكت خوفسيزليك كوچلري قوماندانلري سيلاولر ايكينچي دور خوفسيزليگي ني تامينلشي ني وعده قيلگنلر. مدافعه وزيري بسم الله محمدي ايكينچي دورده هم بار تيارگرليك آلينگني دن خبر بيرگن.
حامدكرزي نينگ بيرينچي معاوني هم سيلاولر ايكينچي دور خوفسيزليگي اساسي شكلده تامينلنيشي باره سيده تاكيدله دي.
اونگه كوره، افغان كوچلري تهديدلرگه تن بيرمه ي، كته عزم اراده گه ايگه ايكنليگيني بيلديرگن.
