نامزدلراوزلریگه کوپراق طرف دارلرنی جلب ایتماقده لر
جمهور رئیسلیک سیلاوی نینگ ایکینچی دوری یولگه قوییلیشی یقین له شیشی بیلن نامزدلردن حمایت ایتیش واوزارا اتفاق توزیش حاللری کوچه ییب بارماقده.
بوگون ناصری قومی دن بیرقطارلری جمهور رئیس نامزدلریدن اشرف غنی احمد زی دن اوزحمایت لرینی اعلان ایتگن.
باشقه تاماندن جمهور رئیس کرزی نینگ ایناغه سی محمودکرزی وبیرقطار ملت وکیللری هم اوزحمایت لرنی عبدالله عبدالله دن بیلدیردیلر.
جمهور رئیسلیک سیلاوی نینگ ایکینچی دوری بولیب اوتیشیگه قریب 20 کون قالگن، کون اوتیشی بیلن نامزدلردن حمایت ایتیش ییغین لری کوپراق بولیب اوتماقده.
بوگل پایتخت کابل ده ناصری قومی وکیلی صفتیده اونلب کیشی اوز حمایت لرینی اشرف غنی احمد زی دن اعلان ایتدیلر.
ناصری لر، افغانستان لیک پشتون ملتی نینگ کوچمنی لری بولگن، مملکت نینگ تورلی ولایت لریده استقامت قیله دیلر.
بوقوم باشلیغ لریدن محمد ظریف ناصری گه کوره اشرف غنی احمد زی دن حمایت قیلگن لریدن مقصد مملکتده امنیت تامین له نیب واقتصاد رواجله نیشی بولگن."بوتیم نینگ امینت واقتصادی مساله لرگه جدی اعتبار بیریشیگه ایشانچیمیزکامل، مملکت اهالی سی نینگ اساسی قیین چیلیگی هم اقتصادبولگن، بوندن دایم اذیت چیکیب توریبدیلر، سوویمیزبارتوغان یوق، کانلریمیزبار باشقه دنیا فایده له نیب توگتماقده لیکن بیزقول اورمه گن میز، فقط داکترصاحب شومساله لرگه اعتبار قره تیش کوچیگه ایگه" دییدی ناصری قوم باشلیغ لریدن محمد ظریف ناصری
عین حالده بوگون جمهور رئیس کرزی نینگ ایناغه سی محمود کرزی اوز حمایتی نی عبدالله عبدالله دن بیلدیردی.
او بوتیمگه مملکت ترقیاتی گه جدی اعتبارقره تیشگه تعهدلی بولگنی اوچون حمایت بیلدیرگنی نی ایتدی."تیمریول وعمومی یوللرنی قوریش، ایکینچیلیک وسودا ساتیق رواجله نیشی کانلرنی قزیب چیقریش، اهالی اقتصادینی کوتاریش وایرکین بازارتیزیمی نی قوللب قو تلش ایشلرینی داکترعبدالله عبدالله جنابلری تیمی عملگه آشیریشی باره سیده سوزبیرگن، اوشه اوچون بیزحمایتی میزبوتیم دن اعلان ایته میز" دییدی محمود کرزی
عین حالده بیرقطار ملی کینگاش اعضالری هم اوز حمایت لری نی عبدالله عبدالله دن اعلان ایتدیلر.
کیلگوسی کونلرده جمهور رئیس نامزدلری سعی وحرکت لری بیلن شونگه اوخشش حمایت لر کوپراق بیلدیریلیشی کوتیله دی.
سیلاوترغیبات لری بوگل نامزدلرتمانیدن برنامه لری بیلدیریلیشی یانیده بیر-بیرلرینی کم چیلیک لرینی آشکارایتیش مساله لریگه هم قره تیلگن.
هرچند سیلاولر مستقل کمیسیونی نامزدلربیر-بیرلریگه حرمت کورسه تیش لرینی طلب قیلگن اما بوطلب گه اونچه لیک اعتباربیریلمه گن.
کیلگوسی جمهور رئیسلیک سیلاوی ایکی نامزداورته سیده 24جوزا ده بولیب اوته دی.
