ویکی لیکس افشاگرسایتی مدیری، جولیان آسانژ نینگ اعلام قیلیشیچه یقینده واشنگتن پست واینترسپت اسمی نی ذکرایتمسدن اوزگزارشیده افغانستان ده گی قریب اکثرتیلفون صحبت لری امریکا آرقه لی ایشیتیلگن.
آسانژجنابلری معلوماتی گه کوره امریکا دولتی طلبی اساسیده واشنتگن پست واینترسپت افغانستان اسمی نی ذکر ایتیشدن باش تارتیشگن.
او بو ایشنی "سانسور" توصیفلب ایتیشیچه بونده ی سانسورلر بیرمهم مساله ده بیر ملت نینگ تقدیرینی سوال آستیده قویه دی.
امریکا ملی خوف سیزلیک اداره سی خادمی ادوارد اسنودن افشاگرلیک لری آرتیدن بومعلوماتی اداره تمانیدن رسانه لرگه کینگ بیرشکلده تورلی جاسوسلیک خبرلری چیقیشیگه یول آچگن.
بو اداره نینگ جاسوسلیک لری تنقیدلرگه سبب بولگن. ویقینده امریکا مجلسی تیلفونی صحبت لرباره سیده چیکلاو قانونی نی تصدیقله دی.
جولیان آسانژنینگ یازیشیچه افغانستان مملکتی گه اوخشه کن کینگ ایشیتیلگن تیلفونی صحبتلرامریکا نینگ اوچووچی سیز هواکوچلری نینگ آلیب بارگن عملیاتلری نینگ بیرقسمی بولگن.
افغانستان دولتی بوخبرباره سیده حاضرگچه هیچ قنده ی مناسبت بیلدیریشمه گن. اما اوتگن ییلی سعودی عربستان نینگ عرب نیوزدیب ناملنگن کونده لیگی بیرگن اوزگزارشیده امریکا ملی امنیت اداره سی تاماندن افغانستاندن 22میلیارد گه یقین تیلفونی صحبت تینگلنگن.
اوشه پیتده افغانستان مخابرات وزیری امیرزی سنگین بی بی سی بیلن بولگن صحبتیده افغان حکومتی امریکا تاماندن افغان وطنداش لری نینگ حاضرگه قدرتیلفونی صحبت لری ایشتیلگنی باره سیده حجت تاپمه گنی نی ایتگن ایدی.
سنگین جنابلری گه کوره ناقانونی تینگلش موضوعی جدی موضوع بولیب و خلق ارا مملکت لر افغانستان قانونی گه حرمت کورسه تیش لری لازم. اگر ناقانونی روشده تیلفونی صحبت لری ایشتیلگن بولسه کیله جکده بوایش عملگه آشمسلیگی باره سیده سوزبیرسین لر.
