دولت آباد تومنی نینگ حاکمی سید عبدالسلام نزهت بی بی سی بیلن بولگن صحبتیده، کونیکیچه قورالی طالب لرگروهی بوتومنده گی امنیتی پوسته لر اوستیگه هجوم قیلگنیدن سونگ ماین پارتلش حادثه سی یوزبیرگن لیگینی معلوم قیلدی.
حاکم نینگ معلوم قیلیشیچه طالبان گروهی امنیتی پوسته لرگه هجوم قیلمس دن آلدین عمومی یوللر ده ماین کومگن لیک لرینی ایتیب، کیین اوروش عاقبتیده یره لنگن بیرباله نی کسل خانه گه آلیب باره یاتکن کیشی لر ریکشاسی کومیلگن ماینگه دوچ کیلیب، عاقبتده 5کیشی اولیب، اوچ کیشی تن جراحتی آلگن لر.
حاکم گه کوره هلاک بولگن لر ایچیده بیرعیال و ایکته باله هم بولگن. دولت آباد تومنی نینگ حاکم طالبان گروهی ایکی اوچ ساعت اوروش دن سونگ منطقه ده قاچیب کیتکن لیک لرینی ایته دی.
اوشونینگدیک اوشبو توقنشو عاقبتیده پولیس کوچلریگه هیچ قندی ضرریتمه گن لیگینی معلوم قیلماقده. فاریاب ولایتی گه قره شلی دولت آباد تومنی بوولایت نینگ ناتینچ تومنلری قطاریدن سنه لیب، انده – سنده بوکبی حادثه لرگه گواه بولیب کیلماقده.
