سیلاو مستقل کمیسیونی دارالانشا رییسی استعفاگه چیقدی
بوگون افغانستان سیلاولر مستقل کمیسیونی نینگ دارالانشا رئیسی ضیاوالحق امرخیل استعفاگه چیقدی.
هرچند اوهیچ قنده ی باسیم ییتکزیلمسدن اوز راضیلگی بیلن استعفاگه چیققنی نی تیل گه آلدی، اما اوتگن بیرنیچه کونده جمهور رئیس نامزدلریدن عبدالله عبدالله عمرخیل نی بولیب اوتگن سیلاوده یوزبیرگن تقلبکه قولی بارلیککه عیبلب ایشی وقتینچه لیک توخته تیلیشی نی سوره ب کیلگن ایدی.
امرخیل گه قره تیلگن عیبلاولریوزه سیدن اوتگن کونی عبدالله عبدالله سیلاوتیمی تمانیدن امرخیل نینگ تیلفونی صحبتی دیب یازیب آلینگن سیس، رسانه لراختیاریگه قوییلگن ایدی.
یازیب آلینگن بوتیلفونی صحبتده امرخیل جنابلری سیلاوده تقلب قیلیش اوچون اوزخادم لریگه بویروغی بیرگنی مذکور تیم تمانیدن ادعا قیلینگن ایدی.
افغانستان سیلاومستقل کمیسیونی تمانیدن توشدن کیین یولگه قوییلگن مطبوعات انجمنیده بو کمیسیون دارالانشا رئیسی ضیاوالحق عمرخیل اوز استعفاگه چیقیشی نی اعلان قیلدی.
اواستعفا گه چیقیشی نی هیچ کیم باسیمی بیلن ایمس، بلکی اوز راضیلیگی بیلن قرارآلگنی نی معلوم قیلدی."مینینگ استعفاگه چیقیشیمیگه باشقه هیچ قنده ی دلیلی بولمی فقط سیلاونی اعتبارینی سقلش بولگن، ملی منفعت اوچون بوگون حاضرمن اسعتفاگه چیقسم، هیچ بیر باسیم ییتمسدن هیچ بیرخواهش قیلیمسدن بوقرارنی آلدیم، مهم شوکی یاش قتلمی معما چیققنده قربانلیک بیریشلری لازم" دییدی عمرخیل جنابلری
اما سیلاودن کیین جمهور رئیس نامزدلریدن عبدالله عبدالله تمانیدن عمرخیل جنابلری گه سیلاوگه ساخته کارلیککه قولی بولگن عیبلاوی قوییلیب اوز وظیفه سی تعلیققه توشیشی طلب قیلینگن ایدی.
یکشنبه کونی عبدالله عبدالله سیلاوتیمی عمرخیل نینگ تیلفونی صحبتی دیب یازیب آلینگن بیرسس نی رسانه لرگه تاپشیردی. عبدالله عبدالله تیمی نینگ ادعا قیلیشیچه یازیب آلینگن سیس عمرخیل نینگ تیلفونی صحبتی بولیب خادم لریگه تقلب قیلیشگه بویروغ بیرگنی بولگن.
اما امرخیل جنابلری بو تیم تمانیدن اونینگ تقلب که قولی بولگنی باره سیده گی تیلفونی صحبت اونگه تیگیشلی بولمه گنی ایتیب بونی اونگه قرشی توزیلگن فتنه دیب ایتدی.
عین حالده سیلاولر مستقل کمیسونی رئیسی احمد یوسف نورستانی عمرخیل جنابلری استفعاگه چیقیشی دن افسوسده ایکنی نی بیلدیریب اونینگ آلگن قراری بوکمیسیون وباشقه لرنینگ طلبی اساسیده بولمی اوزخواهشی اساسیده آلینگن دیدی. "یازیب آلینگن سیس اونی استعفاگه چیقیشگه هیچ قنده ی علاقه سی یوق، وهیچ کیم بوکیشیدن استعفاگه چیقیشی نی ایسته مه گن، نه کمیسیون ونه باشقه کیشی بوطلب نی قیلگن، اوشنده ی کی اوزی تیلگه آلدی ایسته مه دی او اوچون سیلاوجریانی معما گه ایله نیب قالسه"
عبدالله عبدالله عمرخیل استعفاگه چیقیشی باره سیده کوپ گپیرمه ی شرطلری انابتگه آلینگن تقدیرده جریانگه قیته حصه قوشیشی نی بیلدیردی.
"حاضر عمرخیل استعفاگه چیقدی دیب بیرمعلومات ییتیب کیلدی ، بوباره ده گپیرمه یمن، هرکیم سیلاوده کینگ تقلبگه مسوول بولسه قانونگه جوابگربولیشی کیره ک".
سیلاوبولیب اوتیشی آرتیدن عبدالله جنابلری حکومت و سیلاولر مستقل کمیسیونی نی بولیب اوتگن سیلاوده نامزد رقیبی منفعتی گه کینگ تقلب قیلگنلیککه عیب لب چیققن ایدی.
او اوز سیلاوتیمی نی سیلاومرکزلریدن چقیریب آواز سنش جریانی توخته تیلیشی نی طلب قیلگن ایدی.
بوقرارآرتیدن اونینگ طرفدارلری کابل وبیرقطار ولایت لرده ساخته کارلیککه قولی بارکیشی لر محکمه ایتیلسین دیگن شعارلربیلن نیچه کون دن بیری تحصن وناراضی لیک نمایش لراوتکزیب کیلماقده لر.
