بوخودکش هجوم بوگون ایرته لب ساعت 7اطرافیده صادر بولدی.
ملی اردوعسکرلری مینیلگن نقلیه واسطه گه قره تیلگن بوهجوم کابل شهری نینگ غربیده ایکینچیلیک وزیرلیگی یقنیده صادربولدی.
ایتیلیشیچه انتحارچی بو واسطه گه چیقیب اوزینی ملی اردوعسکرلری اورته سیده پارتله تیب یوبارگن. نتیجه ده 13کیشی هلاک بولگن و27کیشی هم تن جراحتی آلیشگن.
افغانستان مدافعه وزیرلیگی نینگ سوزچیسی جنرال ظاهرعظیمی بوحادثه ده ملی اردو عسکلریگه تلفات ییتگنی نی تصدیقله دی.
"ملی اردوعسکرلریدن 8کیشی قربان بولگن و13نفرهم یره لنگن وتن جراحتی آلگن لرنی احوال یخشی " دییدی افغانستان مدافعه وزیرلیگی سوزچیسی
عین حالده افغانستان ساغیلق نی سقلش وزیرلیگی رسمی لری بوحادثه ده 5تینچ فقرا اولیب وباشقه 14کیشی هم یره لنگی نی معلوم قیله دی.
گواه لردن بیری یقیندن یوزبیرگن حادثه نی تصویرلب بیره دی."بیردن کوچلی آوازچیقدی، دودی کوککه کوتریلدی، چاپیب باردیم یره لنگن 7و8کیشی ییرگه ییقیلیب یاتگن ایدی، موترنی توخته تیب موترگه آرتدیک" دییدی گواه لردن بیری
طالبان گروهی بوگونگی حادثه مسوولیتی نی اوزذمه لریگه آلیشگن.
افغانستان ملی اردوسیگه قره تیلگن هجوم لربیرینچی بارایمس، بوندن آلدین هم هجومچلرتمانیدن اولرمینیلگن موترلرهجومگه توتیلیب تلفات لریگه سبب بولگن ایدی.
بوندن آلدین مدافعه وزیرلیگی بوکبی هجوم لردن ملی اردوتلفاتی نی آلدینی آلیش اوچون ایریم لایحه لرایشلب چیقیلیشی باره سیده خبر بیرگن ایدی.
مدافعه وزیرلیگی سوزچیسی ظاهرعظیمی گه کوره تلفاتلرنی آزه یتیریش اوچون توزگن ریجه لری استه – سیکین عملگه آشیریلماقده."ملی اردو تلفاتی نینگ آلدینی آلیش اوچون توزیلگن بولایحه هرتامانلمه ایدی، بیر بولیمی استخبارات مساله لریگه قره تیلگن ایدی وباشقه بولیمی هم نقلیه واسطه نینگ ایچکی امنیتی نی تامین لش و واسطه ایچیده قنچه کیشی بولیش مساله سی ایدی، بو لایحه حاضرعملی بولماقده، اما بختگه قرشی ایریم حالت لرده آلدینی آلیش قیین، وایریم حالت لرده هم آلدی آلینگن" دییدی عظیمی جنابلری
شونینگ دیک عظیمی جنابلریگه کوره حاضرگی کونده تلفات لر آلدی آلینیشی اوچون کوپ کیشی ییتکزه دیگن نقلیه واسطه لراورنیده آزراق کیشی مینه دیگن نقلیه واسطه لردن فایده له نیلماقده.
اما او بولایحه تولیق عملگه آشمسلیگی گه کیره کلی بودجه اختیارلریگه بولمه گنی نی سبب قیلیب کورسته دی.
.
.
