افغانستان وامریکا آره سیده امنیتی پیمان امضالندی
بوگون پایتخت کابلده افغانستان دولتی ایکی مهم امنیتی شرطنامه نی امریکا ایلچیسی وناتووکیلی بیلن امضاله دی.
بوحجت امریکا کوچلری نینگ میلادی 2014ییلدن کیین بومملکت ده قالیشی نی انیقله یدی.
افغانستان و امریکا اورته سیده بولگن بوشرطنامه افغانستان جمهور رئیسی اشرف غنی احمدزی، اجرائیه رئیسی عبدالله عبدالله، بیرقطار جهادی رهبرلر، ودولت نینگ یوقاری مرتبه لی رسمی لری حضوریده کونی کیچه تعیین لنگن افغانستان ملی امنیت کینگشی مصلحتچیسی حنیف اتمر وامریکا ایلچیسی جیمزکانینکهام آرقه لی امضالندی.
رسمی کابل بیلن ناتوآره سیده هم کیلیشوونامه اتمرجنابلری وناتونینگ افغانستانده گی ناحربی بولیمی وکیلی موریس یوخمس آرقه لی امضالندی.
بو مراسم ده افغانستان نینگ سابق جمهور رئیسی حامد کرزی حصه قوشمه گندی.
اوشبو مراسمده افغانستان جمهور رئیسی اشرف غنی احمد زی کوچدن فایده له نیش فقط افغانستان دولتی قراری اساسیده عملگه آشیشی نی ایتدی.
اونگه کوره خلق یاردم لرامکانگه قدرافغانستان نینگ ملی بودجه سی تاماندن تامینلنه دی. بوایسه اصلاحات آلیب کیلیش وشفافیت یوزه گه کیلیشی بیلن ممکن دیدی.
احمدزی جنابلری بو مملکت فضاسی افغانستان دولتی نظارتیده بولگنی باره سیده توخته لیب بومملکتگه تشریف کیلتیره دیگن هربیرشخص ویزا بیلن کیلیشی ممکن لیگی نی تاکیدله دی.
افغانستان ینگی جمهور رئیسی نینگ اورغوله شیچه خلق ارا شرطنامه لرانیق قانون لریاغدولیگیده ده انیقله نیشی ممکن. وخلق ارا کوچلرمسجد، ومقدس مکان لرگه کیره آلمه یدیلر.
اوافغان لرنینگ توررجای لری محافظه ایتیلیشی باش قانون گه قید ایتیلگنی نی معلوم قیلدی.
احمدزی جنابلری افغانستان هلی هم دنیانینگ اعتبارمرکزی بولگنی نی ایتدی. بومملکت حاضرهم تهدیدده بولگنی نی تیلگه آلدی.
افغانستان جمهور رئیسی نینگ تاکیدلشیچه بوخوف لردنیا بیلن قوشمه بولگنی اوچون بومملکت بیلن بونی برطرف ایتیش اوچون جدی کوره ش آلیب باره دی.
اونگه کوره شیکاگو ییغینیده افغان امنیتی کوچلرینی جهازلنتیریش اوچون تورت ییلده 16میلیارد دالرنظرده توتیلگنی ایدی. بوشرطنامه امضابولیشی بیلن عملی بولیشی ممکن.
احمدزی جنابلری نینگ ایتیشیچه بو قرارداد افغانستانده تینچلیک وبرقرارله نیش اوچون مهم وبوشرطنامه اساسیده هیچ قنده ی یدراوی قورال بومملکتده قوریلمه یدی یا فایده له نیلمه یدی.
افغانستان نینگ سابق جمهور رئیسی حامد کرزی بو کیلیشوونامه نینگ امضالشدن باش تارتگندی. وبومساله ایکی مملکت علاقه لرینی تره نگلشتیریب یوبارگندی.
کرزی جنابلری امریکا بیلن شرطنامه تینچلیکنی آلیب کیلمسه واوی لرگه هجوم قیلیشنی توختمسه لرامریکا بیلن کیلیشوونامه امضالنمسلیگی ممکن دیگندی. او طالبان نی تینچلیککه چقیرگندی.
بو شرطنامه امضاله نیشی بیلن کمیده 10مینگ امریکا حربی لروناتوگه اعضا بولگن بیرقنچه مملکت لرعسکرلری ناتونینگ ماموریتی پایانیگه ییتگندن کیین قاله دی.
ناتورسمی لری نینگ ایتیشیچه میلادی 2014ییلدن کیین بو کوچلرنینگ اصلی ماموریت لری افغان امنیتی کوچلری گه مصلحت بیریش واورگه تیش بولگن.
امنیتی کیلیشوواساسیده خارجی کوچلربگرام، کابل،قندهار، شیندند،هلمند، گردیز،مزارشریف،هرات وقندهارده حربی قرارگاه لرده جایلشه دیلر.
