افغانستان ده ینگی قوریلگن "ملی بیردملیک" حکومتی دن نمه کوته سیز؟
Image copyrightاشرف غنی احمد زی باشچیلیغی ده گی ینگی حکومت جنجلی سیلاو لر آرتیدن یکشنبه کونی پایتخت کابل ده قسم یادگه کیلتریب ایشگه باشله دی . عینی مراسمده عبدالله عبدالله هم ینگی حکومت نینگ اجرئیه باشلیغی صفتیده قسم یادگه کیلتریب اوز ایشلرینی بوگوندن اعتبارا باشله گن.
احمدزی جنابلری اوز سوز لریده فساد گه قرشی کوره شیب ، عدلی و قضایی تزیم لرده اصلاحاتنی کیلتریشنی وعده قیلدی. عینی دمده ینگی جمهور رئیس دولت مخالف لری بیلن تینچ لیک نی تامین لش اوچون تینچ یول بیلن مذاکره لرنی باشلشگه تیار ایکنینی ایتگن .
ینگی حکومت نینگ حیاتی دن اوچ کون اوتیشی بیلن ، امریکا و ناتو بیلن خوف سیزلیک همکارلیک بتیمی امضا له نیب، کابل بانک دوسیه سی نینگ قیته تیکشرلیشی خصوصیده فرمان هم صادر ایتلگن.
افغانستان ده خوف سیزلیک ، فساد و ایش سیزلیک ینگی دولت مقابلیده تورگن اساسی قیینچلیکلرنی تشکیل بیره دی. خوب سیز ینگی حکومت دن نمه لرنی کوته سیز؟ ینگی حکومت بیرینچی قیلیب قیسی ساحه لرده ایشله شی لازم؟ افغانستان دوچ کیله یاتگن امنیت، ایش سیزلیک و فساد کپی معما لرنی قندی قیلیب برهم بیریشی ممکن؟ بو هفته گی سوز سیزگه رکنی عینی شو موضوع گه بغیشلنگن . سوز سیزگه برنامه سیگه اشتراک ایتیش اوچون اوز تیلفون رقم لرینگیزنی قالدرینگ، بیز سیزگه تیلفون قیله میز.
سوز سیزگه برنامه سی جانلی روشده هر پنچ شنبه کونی افغانستان وقتی بیلن اقشام ساعت 6 دن 6:30 گچه نشر ایتله دی.
