افغان اردو کوچلری نینگ تلفاتی ۶۸۵۳ کیشی گه ییتی
Image copyrightافغانستان مدافعه وزیرلیگی نینگ اعلام قیلیشیچه ۱۳۸۲ ییل دن ۱۳۹۳ ییل نینگ یرمیگچه ۶ مینگو ۸۵۳ کیشی ملی اردو عسکری و ظابطی عصیانکارلر بیلن یولگه قوییلگن توقنه شو لرده جانلرینی قولدن بیرگن.
افغانستان مدافعه وزیرلیگی سوزچی سی جنرال ظاهر عظیمی نینگ بی بی سی گه ایتیشیچه بولرنینگ ۸۵ فایزی یول کناریده اورنه تیلگن ماینلرنینگ پارتلشی عاقبتیده هلاک بولگن.
اونینگ ایتیشیچه قالگن رقملری ایسه دولت مخالفلری بیلن عملگه اشیرلگن قورالی توقنه شو لرده جانلرینی قولدن بیرگن.
جناب عظیمی اوز تویتر صفحه سیده یازیشیچه، ۱۳۸۲ ییلیده ۹ کیشی، ۱۳۸۳ ییلیده، ۵۱ کیشی، ۱۳۸۴ییلیده، ۱۳۸ کیشی، ۱۳۸۵ ییلیده، ۲۰۶ کیشی، ۱۳۸۶ ییلیده، ۳۲۵ کیشی و ۱۳۸۷ ییلیده ۳۸۰ کیشی ملی اردو عسکرلری افغانستانده هلاک بولگن .
افغانستان مدافعه وزیرلیگی سوزچی سی عینی دمده ۱۳۸۸ ییلیده، ۶۳۵ کیشی، ۱۳۸۹ ییلیده، ۷۴۸ کیشی، ۱۳۹۰، ۸۴۱ کیشی، ۱۳۹۱ ، ۱۱۷۰ کیشی ، ۱۳۹۲ییلیده، ۱۴۰۰ کیشی وجاری ۱۳۹۳ ییل نینگ ایلک آلتی آییده ۹۵۰ کیشی ملی اردو کوچلر اعضا سی نینگ هلاک بولگنینی یازگن .
حربی کوزه تووچی لرنینگ ایتیشلریچه افغانستان حربی کوچلر سانینی ۲۰۰ کیشی گه آشیشی عینی دمده امنیتی مسولیت لرنینگ خارجی کوچ لردن افغان کوچلری گه تاپشیرلیشی و ناقرارلیک لرنینگ مملکت بویلب کوپیب بارگنی سونگی ییللرده حربی کوچ لرنینگ کوپراق تلفاتیگه سبب بولگن .
