افغانستان جمهوررئیسی چینگه سفرقیلدی
دوشنبه کونی کیچقرون اشرف غنی احمدزی دولت نینگ یوقاری مرتبه لی رسمی لریدن تشکیل تاپگن هیات بیلن تورت کونلیک سفراوچون چینگه یول آلدی.
بوسفر،چین جمهور رئیسی سی جین پینگ رسمی دعوتی بیلن عملگه آشه دی وافغانستان جمهور رئیسی اشرف غنی احمدزی نینگ بومملکت جمهوررئیسی صفتیده سیله نیشی آرتیدن پکن گه بولگن ایلک سفری حسابلنه دی.
اشرف غنی احمدزی سفرینی یقیندن یاریتیش اوچون چینگه بارگن بی بی سی نینگ دری خذمتی بولیمی مخبری خلیل نوری بوسفرده اشرف غنی احمدزی نی 20افغان تجاری هم یولداشلیک قیله یاتگنی نی ایته دی.
غنی جنابلری اوشبوسفری چاغیده چین نینگ جمهور رئیسی، باش وزیری وپارلمان رهبری بیلن اوچره شیشی کوتیله دی.
اونگه کوره اشرف غنی زی نی خوش قرشی لب آلیش اوچون چین تشقی ایشلروزیری اورین باسری هوا قونالغه گه کیلگن وپکن نینگ ایریم جاده لریده افغانستان بیراغی آسیلگن.
عین حالده افغانستان جمهور ریسی نینگ مطبوعات خذمت بولیمی خبربیریشیچه بوسفرده ایکلله مملکت جمهوررئیسی چین وافغانستان اورته سیده گی کیلیشوونامه نی امضاله نیشی کوتیله دی.
بوشرطنامه نینگ تفیصلاتی حاضرگچه رسانه لرگه اختیاریگه قوییلمه گن.
جمهوررئیس نینگ مطبوعات خذمتی نینگ معلوماتی گه قره گنده کیینگی کونلرافغانستان جمهور رئیسی چین وافغان تجاروسرمایه یاتقیزه دیگن قتلم ییغینیده قتنه شیب واونینگ چین نینگ صناعت ساحه سیده گی کارخانه لرینی یقیندن کوریش موضوعی سیغدیریلگن.
جمهور رئیس غنی نینگ پکنده گی سینهوابیلیم یورتی ده سوزگه چیقیشی وایشلربیلرمان بیلن چین وافغانستان علاقه سی خصوصیده گی بحثده اشتراک ایتیشی ومنطقه ودنیا مساله لری بوسفرنینگ ریجه لشتیریلگن برنامه لریدن بیرقسمی بولگن.
اوتگن ییللرده افغانستانده چین لیک شرکت لربومملکت نینگ ییریک کانی مس عینک ومملکت شمالیده گی نفت ذخیره لرینی ایشلب چیقریش لایحه لری ویول قوریش برنامه لرینی عملی بولیش اوچون کته مقدارده سرمایه یاتقیزگن.
احمدزی نی یولداشلیگ قیله یاتگن هیات ترکیبیده ملی خوف سیزلیک مصلحتچیسی حنیف اتمر، اجرائیه ریاستی نینگ ایکینچی اورین باسری محمد محقق، افغانستان تشقی ایشلروزیرلیگی نینگ سرپرستی ضراراحمد مقبل، جمهوررئیسلیک نی اقتصاد بوییچه مصلحتچیسی عمرزاخیل وال، مدافعه وتجارت وزیرلیک لری نینگ سرپرستلری بسم الله محمدی وشاکرکارگربولگن ایدی.
