ناتو باش کاتبی کابل گه سفر قیلدی
ناتو باش کاتبی جینز ستالتنبرگ کابلده گی ایککی کونلیک سفریده جمهوررییس محمد اشرف غنی واجراییه رییسی عبدالله عبدالله وباشقه بیرقطار دولت مقاملری بیلن اوچره شیشی کوتیله دی.
ینگی حکومت ایشگه باشلگندن سونگ بیرینچی مرته دیرکه ناتو نینگ یوقاری مرتبه لی مقامی کابلگه سفر قیله دی
همده ، ناتو باش کاتبی افغانستان جنوبی ولایت لریگه هم سفر قیلیب ناتو کوچلری بیلن اوچره شماقچی.
ملی بیردملیک حکومت ایشی نینگ ایککینچی کونیده ناتو بیلن امنیتی پیمان امضاله دی.
امنیتی پیمان افغانستان ملی امنیت مصلحت چیسی حنیف اتمر وناتو نینگ مخصوص ملکی وکیلی موریس یوخمس تامانیدن امضالندی.
بو کیلیشوو بیتم اساسیده میلادی 2014 ییلدن سونگ هم ایریم ناتو کوچلری افغانستانده قالیب فعالیت لری افغان امنیتی کوچلری نینگ مشق و تیارگرلیک لردن اوتکزیش خصوصیده قره تیله دی.
عینی حالده پاکستان اردوسی نینگ حربی بولیمی قوشمه رییسی ژنرال راحیل هم بوگون کابل گه سفر قیلیشی اعلان قیلینگن.
پاکستان نینگ بو مقامی بیرکونلیک سفریده جمهوررییس، اجراییه رییسی ، مدافعه وزیری و جمهوررییس ملی امنیت مصلحت چیسی بیلن ملاقات اوتکزیشی کوتیله دی.
بوندن ایککی هفته آلدین پاکستان باش وزیری نینگ ملی امنیت مصلحت چیسی سرتاج عزیز هم افغانستان گه سفر قیلگن ایدی.
جمهوررییس اشرف غنی، عزیز جنابلری بیلن ملاقات اوتکزیب صلح موضوعی فقط صحبت گه چیگره له نیب قالمسلیگی باره سیده تاکیدقیلدی.
