کابینه تشکیل ایتیش کمیته سی بیر قرارگه کیلمه گن
Image copyrightجمهوررییس محمد اشرف غنی 45 کون جریانیده ینگی کابینه اعلام ایتیلیشینی ایتگن ایدی بوگون بو مهلت تولدی، اما کابینه تشکیل ایتیش اوچون ایجاد ایتیلگن کمیته اعضالری بیرقرارگه کیلیشه آلمه گنلیکلرینی ایته دیلر.
45 کونده ینگی کابینه تشکیل ایتیلیب پارلمانگه ته نیشتیریلیشی ایتیلگن ایدی، اما بو مدت جریانیده تشکیل ایتیلگن کمیته نهای قرارگه ایریشه المی ایککی سیاسی رهبر قرار آلیشلری کیره ک لیگینی ایتگن.
جمهوررییس اشرف غنی و اجراییه رییسی عبدالله عبدلله آره سیده امضالنگن کیلیشوو بیتیمنی عملی قیلیش اوچون اون نفرلیک بیرکمیته تشکیل ایتیلگن ایدی، بو کمیته اعضالری قدرت نی بولیش مهم مقاملیک لرنی تعریفی خصوصیده کیلیشه آلمه گنلیک لرینی ایته دی.
جمهوررییس محمد اشرف غنی تیمی تامانیدن کمیته اعضاسی صفتیده تعین لنگن اسدالله سعادتی بوحقده شوندی دیدی:" عبدالله عبدالله تیمی قدرت 50 - 50 بولینیشی کیره دیب ایته دی، اما بو ایکی تیم مقاملری اره سیده امضالنگن کیلیشوو بیتمگه قرشی. شونینگ دیک مهم وزیرلیک لر ومستقل اداره لرخصوصیده بیر توختمگه ایریشیلمه گنی هم قرشیلیککه سبب بولگن."دیدی او.
عبدالله عبدالله تامانیدن کمیته اعضاسی صفتیده تعین ایتیلگن عبدالستار مراد کابینه تشکیلاتی باره سیده قرشیلیکلر موجود لیگینی ایتیب، بیراق کابینه نینگ اوچ دن ایککی قسمی خصوصیده کیلیشیلگنینی تاکیدله دی:" مهم مقاملیک لر قالگن، مثال بیلن قیشلاق لرنی رواجلنتیریش و سووبرق کبی وزیرلیک لر خصوصیده قرار آلینمه گن. اختلافلی موضوع لر باره سیده جمهوررییس واجراییه رییسی قرار آلیشلری ضرور."
مراد جنابلری نینگ ایتیشیچه، نهای کیلیشوو گه ایریلشگنیدن سونگ برچه نامزد وزیرلر پارلمانگه ته نیتشیریله دی.
بوندن آلدین تورت مهم وزیرلیککه نامزد وزیرلر لندن کنفرانسی دن الدین پارلمانگه ته نیشتیریلیشی ممکن لیگی ایتیلگن ایدی. لندن یغینی دسامبر آی نینگ بیرینچی هفته سیده بولیب اوتیشی ریجه لنگن.
جمهوررییس اشرف غنی اجراییه رییس عبدالله عبدالله بیلن اوچره شیشی کوتیله دی، بولیب اوته جک اوچره شووده کابینه تشکیلاتی خصوصیده نهای قرار آلینیشی کوتیله دی.
