آکسفام عیاللرتینچلیک جریانیده سهم لری بولمسلیگیدن تشویش بیلدیرگن
Image copyrightOxfamآکسفام ناملی خلق ارا تشکیلات افغان عیاللری تینچلیک مذاکره لری وافغانستان کیله جگی اوچون بولیب اوتگن ییغین لرده اشتراک ایتیشدن محروم ایتیلگنلریدن خواطیربیلدیریشگن.
بوتشکیلات نشرایتگن گزارشیده طالبان بیلن دنیاجماعه چیلیگی اورته سیده گی تینچلیک مذاکره لریده هیچ بیرعیال حضوری بولمی وفقط افغانستان بیلن طالبان آره سیده ایکی حالت عیاللراشتراک ایتگن.
بوتشکیلات گه کوره عیاللر تینچلیک مذاکره لریگه حصه قوشمسه تینچلیک برقرارلنمسلیگی نی ممکن.
یاپیق ایشیک لرآرتیده دیب تیارلنگن بوگزارشده اوتگن 9ییلده طالبان بیلن دنیا جماعه چیلیگی آره سیده تینچلیک اوچون بولیب اوتگن23 ییغینده عیال قتلمی دن هیچ کیم بولمه گن.
اما طالبان بیلن افغانستان دولتی آره سیده بولیب اوتگن تینچلیک مذاکره لریده ایکی حالتیده عیاللرحضورتاپگن.
بوتشکیلات نینگ افغانستانده گی مسوولریدن اکرم ذکی بوگزارش 42دیپلمات، افغان رسمی لری، تینچلیک جریانی گه قوشیلگن طالبان ومدنی جماعه چیلیک اعضالری دن آلینگن صحبتی اساسیده تیارلنگن.
اوشبوگزارشده صحبت لرباره سیده تفصیلات بیریلمه گن ومذاکره ایتگن لرکیملیگی وقنده لیگی گه اشاره قیلینمه گن.
حاضر آکسفام افغانستان دولتی، دنیا جماعه چلیگی وطالبان دن عیاللر مذاکره لرده سهم آلیش اوچون رخصت بیریشلرینی طلب قیلگن.
بوتشکیلات رهبری جان وات عیاللرتقدیری ایشیک لرآرتیده انیقلنمسلیگی لازم لیگی نی معلوم قیلگن.
آکسفام عیاللرگه بولگن بومناسبتنی تبعیض دیب اگربوحالت آلدی آلینمسه اوتگن 13ییل لیک آلغه سیلجیش لرضررکوریب وتینچلیک دایمی بولمسلیگی ممکن لیگی نی ایتگن.
بوتشکیلات مذاکره قیله دیگن تامان لرگه مصلحت لرهم بیریشگن.
اولر افغانستان دولتی دن عیاللرگه مذاکره لر، رهبرلیک واداره چیلیک اوچون 30فایزلیک اولوش یعنی سهم بیریلیشی نی طلب قیلگن وهرییل باشیده عیاللرآلغه سیلجیشی وتینچلیک جریانی باره سیده گزارش نشرقیلینیشی کیره کلیگی تاکیدلنگن .
بوگزارشنی تیارله گن لر تینچلیک مذاکره لریده عیاللرسهمی اوچون بیر قطعنامه نی بیرلشگن ملت لرخوف سیزلیک کینگشی گه تقدیم ایتماقچی.
ذکی جنابلری بوگزارشده طالبان دن عیاللرنی صلح مذاکره لریگه رخصت بیریشلری نی طلب قیلینگنی نی ایته دی..
بوتشکیلات نینگ معلوم قیلیشیچه هرچند عیاللرموقعی یخشی له نیشی اوچون آلغه سیلجیش لریوزبیرگن اماشونگه قره مسدن عیاللرحقوق لری آیاغ آستی بولیشی وزوردن تورموشگه بیریش حاللری اساسی معماگه ایله نیب کیلماقده.
آکسفام همکارمملکت لردن خارجی کوچلر بومملکت دن چیقیشی بیلن افغان عیاللرینی اونوتمسلیک لرینی ایته دیلر.
