افغانستان دینگیزگه باغله نیش یوللرینی قیدیرماقده
Image copyrightMOFAدینگیزدن آلیس ده جایلشگن افغانستان، شمالی قوشنیلری آرقه لی دینگیز سوولریگه ایریشیشگه حرکت قیلماقده.
لاجورد نامی بیلن اتلگن شمالی قوشنی لریدن اوته دینگن بو ینگی یول تورکمنستان، آذربایجان، گرجستان و تورکیه دن اوتیب، افغانستان نی قاره سووگه باغله یدی.
افغانلرنینگ ایتیشیچه، بوندن ایکی مینگ ییل آلدین افغانستان تاجرلری بو یول ده قتنه دی.
اولر شمالی شرقی بدخشان لاجوردی نی شو یول آرقه لی مرکزی آسیا و ارورپا مملکتلریگه صادر ایتیشگن و حاضر افغان رسمیلری بو قدیمی یول نی قیته تیکلش اوچون حرکت قیلماقده لر.
لاجورد یولی افغانستان نینگ تورغندی منطقه سیدن باشله نیشی ممکن، کیین تورکمنستان نینگ تورکمن باشی بندریگه باغلنه دی.
اوندن سونگ، آذربایجان نینگ باکو شهری دن اوتیب، گرجستان نینگ تفلیسی منطقه سیگه باغلنه دی. اوییردن ایسه، تورکیه گه قره ب اوزه تیله دی،نهایت استانبول گه ییتیب، دینگیزگه باریب قوشیله دی.
افغانستان تشقی ایشلروزیرلیگی نینگ اقتصادی همکارلیک بولیمی رییسی وحید ویسی، بو یول نینگ افغانستان اوچون اهمیتی کته دییدی.
اونگه کوره، موجود جاده لر بیر بیراولری بیلن باغله نیب، یول ده باردی کیلدی جریانی باشلنگن تقدیرده، آقیمده جایلشگن مملکتلرده موافقلشتیروچی باجخانه لر عمل قیلیشیگه احتیاج بار.
افغانستان رسمی لری اگر بول فایده له نیشگه تاپشیریلسه بومملکت اقتصادی اوسیشی اوچون فایده سی کته دیب بهاله ماقده لر.
افغان رسمیلری بو لایحه نی خوش قرشیلرایکن، اما تحلیلچیلرگه کوره، تخنیکی معمالر همده ایران، پاکستان و مرکزی آسیادن افغانستان گه وارد قیلینه یاتگن تیمیر یول گه عاید فرقلی گیجلر، بولایحه نینگ عملی بولیشی اوچون بیر معما حسابلنه دی.
اما بو معمالرگه قره مه ی، عرب امیرلیگی تمانیدن افغانستان ایچیده بیش بندر قوریلیشی توغریسیده وعده قیلینگن 200 میلیون دالر همده منطقه ده گی مملکت لر اورته سیده موجود همکارلیکلر، بو لایحه نینگ تیزلیک بیلن عملده جاری ایتیلیشیگه سبب بولیشیگه امیدوارلیکلر کته بولیشی ممکن.
شونینگ دیک، بو امیدوارلیکلر منطقه ده رول اوینه یاتگن چین وهندوستان کبی مملکتلرنی افغانستانده جاده لرنی قوریشده یاردم بیریشیگه هم اونده شی ممکن و افغانستانده اقتصادی ترقیات یوز بیریب، مرکزی آسیا و افغانستان اورته سیده تجارت واقتصادی همکارلیکلراوچون زمینه یره تیلیشی ممکن.
بو لایحه عملی بولگن تقدیرده، افغانستان ایران و پاکستان بندرلریدن تشقری دینگیز بندرلریگه قول تاپیشی ممکن.
