دین عالم لری: اسلامی اشدی گروه لرجنگ لری جایزایمس
Image copyrightReutersبوگون پایتخت کابلده 200دن آرتیق دین عالم لری توپله نیب اسلامی اشدی گروه لرتاماندن افغانستان، پاکستان، عراق، وسوریه ده آلیب باریله یاتگن جنگ لرنی جایزایمس دیب اعلان ایتگنلر.
اولر حکومت امنیت نی تامین لش اوچون جدی کوره شی کیره کلیگی نی طلب قیلگنلر.
عین حالده بوعالم لرپاکستان نینگ نفوذلی عالمی مولانا فضل الرحمن افغانستانده گی طالبان جهاد آستیده آلیب باره یاتگن جنگی دن حمایت بیلدیرگن لیگی اوچون قتیق قاره لب چیقدیلر.
اولرافغانستان دولتی دن بوگروه بیلن یومشاق سیاست دن فایده لنمی بلکی قتیق قوللیک سیاستنی آلیب باریشینی طلب قیلیب چیققن لر.
سونگی هفته لرده کابل عصیانچی لر نینگ قطارهجوملری باسیم ده تورگن.
بوهجوم لرولایت لرده هم شدتله شیب بارماقده.
یوزبیرگن بوواقعه لرده تلفات کوره دیگن لرنینگ اکثریسی عادی اهالی بولگن.
عمله آشیب کیله یاتگن بوهجوم لرنینگ بیرقسمی نی طالبان گروهی اوز عهده سیگه آلیشگن.
چیگره نینگ او تامانیده طالبان نینگ آته سی دیب اتلگن مولانا فضل الرحمن بوهجوملردن حمایت ایته دی.
اما اسلامی اشدی گروه لرگه قرشی بوگون کابلده عالملر بیرمسجدده توپله نیب اولرقیلیمش لرینی قاره لب چیقدیلر، بوعالم لرنینگ فکریچه آدم لرنینگ هربیرآتده اولدیریلیشی شرعی جهتدن جایز ایمس."اولر ایسته یدی افغان لر برچه میز، خودکش بولسک، همه میز داعش بولسک، همه میز اولر ادعا قیله یاتگن حکومت نی قبول قیلسک، بوگونگی قیله یاتگن ایشلریگه هم فخرلنه دیلر" دییدی دین عالم لریدن بیری
مملکتده زوره وانلیک لردوام ایتیب تینچلیک برقرارله نیشیگه امیدپیدا بولمه گنی بوگونگی ییغیلگن عالم لری نینگ حوصله سینی پیرقیلگن.
اولرحکومت تینچلیک تامین له نیشی اوچون قطعی روشده چاره تدبیرنظرده توتیشینی طلب قیلماقده لر."جمهور رئیس دن ایسته یمیز، خدانینگ یوزینی کوریب محافظه کارلیک قیلمه سین، بیزعالم لرجدی شکلده ایسته یمیزهرقنده ی بولسه تینچلیک نی برقرارلنتیرسین" دییدی عالم لردن بیری
عادتی حالده دین عالم لری خلق آره سیده مخصوص اورین گه ایگه بوله دیلر.
ایتیلیشیچه بوگروه لرگه قرشی بوقبیل مناسبت لر کورسه تیلیشی اهالی آره سیده عصیانچی لرگه بولگن نفرت نی تاباره آشیریب اولرموقعی نی تاباره ضعیف لشتیره دی.
اما ایریم حاللرده بوعالم اوزلری هم بوهجوم لرقربانی بولیشه دی.
شونینگ ایریم پارتلش لرهم مسجدلرده یوزبیریب کیلماقده، سونگی وقت لرده صادربولگن پارتلش لردن بیری هم ننگرهار ولایتیده یوزبیریب امام مسجدی بیلن اونلب نمازخوان ایسه اولیب یاره له نیشیگه سبب بولدی.
