طالبان: اوتیز نفرنی بیز اوغیرلمه گنمیز
طالبان گروهی بوندن آلدین زابل ولایتیده اوغیرلنگن اوتیز نفر اولر ایشی بولمه گنینی ایتگن، هزاره قومیگه منسوب بواوتیز مسافر قریب اون اوچ کون آلدین کابل – قندهار شاه یولیده اوغیرلنگن ایدی.
حاضرگه قدرهیچ بیرگروه یاشخص بوحادثه مسوولیتی نی اوز ذمه سیگه آلمه گن.
اوتیز نفر اوغیرلنگن منطقه ده طالبان گروهی فعال، اما اولر بیر خبرنامه ترقه تیب، بوحادثه ده قوللری بولمه گنینی ایتگن.
طالبان سوزلاوچیلریدن قاری یوسف احمدی مطبوعات گه پیام یولبب شوندی دیگن:" وطنداشلریمگه اعلام قیلماقچی من که بو حادثه ده ( طالبان ) دخیل ایمس."
زابل ولایتی نینگ ولایت حاکمی سوزلاوچیسی اسلام گل سیال فرانسه خبر آژانسی سی بیلن بولگن صحبتیده اوغیرلنگن لرنی تاپیش اوچون سعی وحرکت لر دوام ایتیب کیله یاتگنینی ایتگن.
همده او، اوغیرلنگن لرنی قوییب یوباریش اوچون محل اقسقاللری واسطه چیلیگی بیلن هم مذاکره لر دوام ایتب کیله یاتگنینی معلوم قیلگن.
ایککی مسافر ته شووچی موترده بولگن بو اوتیز نفر قندهار دن کابل قره ب کیله یاتگن بیر پیت زابل ولایتی نینگ شاه جوی تومنیده ناانیق قوراللی لر تامانیدن اوغیرلنگن ایدی.
