فرخنده قتلیده عیبلنگنلردن تورت نفری اولیم جزاسیگه محکوم بولدی
Image copyrightEPAکابل ولایتی نینگ باشلنغیچ محکمه سی فرخنده قتلیده عیبلنگن شخصلردن تورت نفرینی اولیم جزاسیگه محکوم قیلدی.محکمه قاضی سی باشقه سککیز نفر هربیری 16 ییل قماققه جزاسیگه محکوم بولگنینی ایتدی.
محکمه قاضی سی صفی الله مجددی چیقه ریلگن جزا نهای قرار بولمی عیبدار شخصلر ایککینچی و اوچینچی محکمه ده اعتراض بیلدیریشلریگه حقلی ایکن لیگینی اورغولب شوندی دیدی:" شاه دوشمشیره زیات گاه خذمت چیسی زین العابدین، محمد یعقوب ، محمد شریف و عبدالبشیر لر فرخنده قتلیده قولی بولگنی و اونینگ جسدیتی اوت قوییشگه عیبدارتانیلیب جزا قانونی عیاللرگه قرشی زوروانلیک لرنی الدینی آلیش قانونی اساسیده اعدام جزاسیگه محکوم ایتیلدیلر."
فرخنده قتلیده عیبلنگن لر سانی 49 نفر ایکن لیگی ایتلگن ایدی.
شونگه علاوه قاضی سکیزنفر غیاث الدین، سیف الرحمان، حسیب الله ، اکرام الدین، غلام محمد، عبدالفتاح، محمد عمران ومهمند ناملی شخصلرنینگ هربیری اون التی ییل ازاد لیکدن محروم ایتلگنینی اعلام قیلدی.
فرخنده قتلیده عیبلنگن لرنینگ ایلک محکمه سی شنبه کونی باشلندی، قاره لاوچی ایسه عیبلنگن لرنی اوچ گروه گه بولگن ایدی " فرخنده نینگ قتلی ده باش عامل بولگنلر، اوز وظیفه سیده سستلیک قیلگن مامورلر و شونینگ دیک، صلاحیتلریدن فایده لنمه گن پلیس خادملری".
فرخنده نوروزگه ایکی کون قالگنده کابل شهری نینگ شاه دوشمشیره محللیده قرآن شریف گه اوت قوییش عیبی بیلن غضبناک المانلر تمانیدن اولدیریلگن ایدی.
