Тожикистон: дин ва дунё оралиғида. 3-қисм

Тожикистон шарқидаги Рашт водийсида собиқ мухолифат ва ҳукумат кучлари орасидаги жанглар нафақат мамлакат, балки минтақа хавфсизлигига таҳдид солиши мумкин.

Камаробдаги жанглар ҳар икки томондан ўнлаб инсонларнинг ёстиғини қуритди.

Камароб дарасидаги жангларнинг бошланиш нуқтаси 19 сентбрда ҳарбийлар автокарвонининг пистирмадан ўққа тутилиши бўлган.

Ўшанда 26 нафар ҳарбий ҳалок бўлганди. Уларнинг аксарияти 19-20 ёшли аскарлардир.

Кузатувчиларга кўра, Тожикистонда радикал ва жангари руҳдаги гуруҳларнинг фаоллашишига мамлакатдаги қашшоқлик, порахўрлик ва ҳуқуқ-тартибот идораларининг бошбошдоқлиги ҳам сабаб бўлаётир.

Би-би-си Ўзбек хизмати ва Би-би-си Форс телевизиони ҳамкорликда “ Тожикистон: дин ва дунё оралиғида “ номли махсус лойиҳа тайёрлаган. Беш қисмдан иборат видео ва аудио дастурларнинг навбатдаги лавҳасида лойиҳа муаллифи Хайрулло Файз Тожикистон шарқидаги Рашт водийсига сафар қилади.