Ҳусн ҳам кунда керак. Айниқса, камбағал бўлсанг...

Қарийб, ҳар йили Дунё Гўзали танловида Жанубий Америка қизлари илк еттиликка киришади. Кўпинча Оврўпо, Осиё ва Африка ҳурлиқоларини доғда қолдириб, гўзаллик тожини "Латино" маликалари олиб кетишади.

Бироқ уларнинг кўпи табиий гўзал эмас. Шунингдек, бу қизлар учун гўзаллик танловлари камбағалликдан қутулиш йўли ҳамдир.

Гўзаллик танловларидаги муваффақиятлари туфайли энг чиройли аёллар юрти, деб танилган Венесуэлада айни кўриклар ташкилотчилар учун улкан тижорат, қатнашчилар учун ёрқин келажакка йўлланмадир.

Энди 18 ёшга кирган Мейер Венесуэланинг камбағал ва овлоқ қишлоғида яшайди. У оиласига ёрдам бериш учун Венесуэла гўзали бўлмоқчи. Бу йўлда бор пулини жарроҳлик амалиётларига сарфлаган.

Агар ғалаба қозонса, бутун оила учун янгича ҳаёт бошланади.