АҚШ: Оқ Уйда ифторлик
"Диний эътиқодимиздан қатъианазар, биз ҳаммамиз битта оиламиз...” Оқ Уйда мусулмон америкаликлар ҳурматига уюштирилган ифтор дастурхонини бошлаб бераркан, президент Барак Обама худди шу каби сўзларни изҳор этган.
Жаноб Обама диний ёки этник айирмачиликларга қарши америкаликлар бир ёқадан бош чиқариб, ягона мавқеъни намоён этишларини ҳам таъкидлаган.
"Биз америкаликлар сифатида ҳеч ким шахси, қиёфаси ва эътиқоди учун ҳужумга тутилмаслиги лозимлигини урғулаймиз. Биз биргаликда бу каби нафратга йўғрилган амалларга қарши турамиз", деб айтган АҚШ раҳбари.
Ифтор дастурхонида эса, қирққа яқин дипломатик жамоа вакиллари ва бир қанча конгрессменлар ҳам иштирок этишган.
Президент Обама Билл Клинтон ва Жорж Бушларнинг изидан бориб, иқтидорга келгандан буён мусулмонлар учун муқаддас ҳар Рамазон ойида ифторлик дастурхони ёзишни одат қилган.
