Жаҳон Кубоги мезбон шаҳарлари: Форталеза

Published 5 июн 2014

Би-би-си Бразилия хизматидан Камилла Коста футбол бўйича бу йилги Жаҳон Кубоги турнири ўйинларига мезбонлик қиладиган 12 шаҳар ҳақида ҳикоя қилади.

Форталеза

Харита

Форталеза шаҳри нидерландлар қурган қалъа атрофида қад ростлаган.

Сурат тагсўзи, Форталеза – сайёҳлар суйган шаҳар

Бугунга келиб Бразилия шимоли-шарқидаги энг бой шаҳарлардан бирига айланган.

Форталеза ўзининг Праиа до Футуро каби гўзал пляжлари билан машҳур.

Ҳатто Бразилияда қиш мавсуми ҳисобланган июн ойида ҳам Форталезада ҳаво 30 даражага қадар исиши мумкин.

Бироқ, шаҳарда ижтимоий нотенгликларга боғлиқ зўравонликлар ҳам ортиб бормоқда.

Стадион

Сурат тагсўзи, Кастелао Аренаси 64,846 томошабинга мўлжалланган.

Учрашувлар

● 14 июн, Уругвай – Коста Рика ● 17 июн, Бразилия - Мексика ● 21 июн, Олмония - Гана ● 24 июн, Юнонистон – Фил Суяги Қирғоғи ● 29 июн, "B" гуруҳи 1-ўрин - "A" гуруҳи 2-ўрин ● 04 июл, Чорак финал

Жаҳон Кубогига биринчи бўлиб тайёр ҳолга келтирилган Кастелао стадиони 1968 йилда қурилган.

Кастелао Бразилияда халқаро сертификатга эга илк яшил майдон ҳисобланади.

Бу стадоионда Сеара штати спорт мусобақалари юштирилса-да, 1980 йилда стадионга Папа Жон Паул маърузасини тинглаш учун 120 минг одам жам бўлганди.

Таом ва ичимликлар

Сурат тагсўзи, Ўраманинг таъбингизга кўра танланг: аччиқ бўлсинми ёки ширин?

Бразилия денгиз таомларинин энг яхшиларини Форталезада топса бўлади.

Аммо қисқичбақанинг турли навларини танаввул қилишдан олдин, "тапоика" номли маниоки уни ва пишлоқ ва банана сингари турли қоришмалардан тайёрланган крепни татиб кўринг.

Тунги ҳаёт

Сурат тагсўзи, "Қароқчи" бари айниқса душанба кунлари серодам бўлади

Форталезада тунги ҳаёт унчалик зерикарли эмас, аммо Бразилиялик ёзувчи Жозе да Аленкар асарлари қаҳрамони шарафига аталган "Ирасема" пляжи маҳаллий аҳолининг севимли гўшаси ҳисобланади.