Ле Пен: "хорижлик болаларга бепул таълим бўлмайди"

Франциянинг сўл-қанот раҳбари Марин Ле Пен хорижликларнинг фарзандларини бепул таълим билан таъминлашни тўхтатишга чақирди.

Ле Пен Миллий Фронт партия номидан 2017 йилги президентлик сайловига ўз номзодлигини қўйган.

Парижда қилган нутқида у хорижликларга қаршилиги йўқлигини айтди.

"Лекин, уларга шундай дейман: агар бизнинг мамлакатимизга келган бўлсангиз, сизга ғамҳўрлик қилишимиз ва болаларингиз бепул таълим олишини кутманг", - деди Ле Пен.

"Ўйинларнинг вақти ўтди", - дея қўшимча қилди у.

Май ойида бўлиб ўтадиган сайловларда Ле Пен охирги босқичга чиқиш учун етарли овозларни тўплаши кутилаётган икки номзоддан биридир.

Охирги оммавий фикр сўровларига кўра, Ле Пен ва марказ-сўл қанот номзод Франсуа Филлон тенг қўллаб-қувватловга эгалар.

Аммо, ҳар уч сайловчидан иккиси охирги босқичда Филлонни танлашларини айтганлар.

Ле Пеннинг партияси иммиграцияни камайтириш, ноқонуний мигрантларни депортация қилиш ва Францияни Европа Иттифоқи таркибидан олиб чиқишга асосий эътиборини қаратади.

Би-би-си Ўзбек хизмати билан Whatsapp, Telegram ва Viber орқалибоғланишни истасангиз, телефонимиз:+44 78-58-86-00-02

ТЕЛЕГРАМДА ЭСА каналимиз - https://telegram.me/bbcuzbek

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook - BBC UZBEK

Google+BBC UZBEK

YouTube - BBCUZBEK (https://www.youtube.com/user/bbcuzbek)

Skype - uzbekbbclondon

bbcuzbek.comга тўсиқ бўлса, uzbekweb.netга киринг