Берлин полицияси ҳужумчини қидирмоқда

Берлин полицияси байрам бозорига юк машинаси билан ҳужум қилиб 12 кишини ўлдирган шахсни қидирмоқда.

Сешанба куни полиция етарли далил-исбот йўқлиги туфайли аввалроқ қўлга олинган гумондорни озод қилди.

Уларга кўра, ҳужумчи якка амал қилмаган ва қуролланган бўлиши мумкин.

Берлинда хавфсизлик чоралари кучайтирилган.

Ўзини Исломий Давлат дея атовчи гуруҳ ҳужумни ўз жангариларидан бири амалга оширганини даъво қилди, аммо ҳеч қандай исбот келтирмади.

Аввалроқ қўлга олинган Покистон фуқароси Навед Б ҳужумга алоқадорлигини рад қилган.

Полиция уни жиноят жойига боғлайдиган далил-исботни топа олмагач, унинг ҳужумчи эканига шубҳа қилди.

"Ҳужумчи ёки ҳужумчилар қўлга олинмагунча, ҳеч ким тинчимайди", - деди Ички ишлар вазири Томас де Майзиер.

Берлин ҳокимияти билдиришича, ўхшаш ҳужумларни бартараф этиш учун бошқа бозорларда қўшимча полиция кучлари ва тўсиқлар жойлаштирилган.

Федерал прокурор Петер Франкнинг айтишича, ҳужум усули унинг ортида Исломий экстремистлар турганига ишора қилмоқда.

Аммо, Майзиер бу каби даъвога эҳтиёткорлик билан ёндашиш кераклигини айтиб, тергов "бир неча йўналишда" олиб бораётганини маълум қилди.

Би-би-си Ўзбек хизмати билан Whatsapp, Telegram ва Viber орқалибоғланишни истасангиз, телефонимиз:+44 78-58-86-00-02

ТЕЛЕГРАМДА ЭСА каналимиз - https://telegram.me/bbcuzbek

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook - BBC UZBEK

Google+BBC UZBEK

YouTube - BBCUZBEK (https://www.youtube.com/user/bbcuzbek)

Skype - uzbekbbclondon

bbcuzbek.comга тўсиқ бўлса, uzbekweb.netга киринг