Калифорниядаги ўрмон ёнғинларидан фоторепортаж

Published

АҚШнинг Калифорния штати деярли бир ҳафтадан бери миқёси бўйича мисли кўрилмаган ёнғинлар билан курашмоқда. Ҳавонинг қуруқлиги, кучли шамол ва қақраб қолган ер оловнинг тез ёйилиб кетишига сабаб бўлмоқда.

101 йўлида

Сурат манбаси, Getty Images

Сурат тагсўзи, АҚШнинг Калифорния штати деярли бир ҳафтадан бери миқёси бўйича мисли кўрилмаган ёнғинлар билан курашмоқда. Ҳавонинг қуруқлиги, кучли шамол ва қақраб қолган ер оловнинг тез ёйилиб кетишига сабаб бўлмоқда.
олов манбалари

Сурат манбаси, Getty Images

Сурат тагсўзи, Штатда табиий офатга тайёргарликнинг олий даражаси киритилган. Лос-Анжелеснинг бўлгаларида бир неча соат ичида ёнғиннинг 6 йирик манбаси пайдо бўлди ва 10 минглаб гектарга ёйилди.
вертолет

Сурат манбаси, EPA

Сурат тагсўзи, Олов билан курашиш учун қўшни штатлар билан қўшиб ҳисоблаганда 5700 ўт ўчирувчи ташланди. Вентура округидаги "Томас" олов ўчоғи энг йириги ҳисобланади. У аллақачон 430 уйнинг кулини кўкка совурди.
уй

Сурат манбаси, EPA

Сурат тагсўзи, Хавфли минтақалардан қарийб 200 минг аҳоли кўчирилди. Уларнинг кўпчилиги бостириб келаётган оловдан қутилиш учун уйларини ярим тунда ташлаб чиқишга мажбур бўлган.
ёнғин

Сурат манбаси, AFP

Сурат тагсўзи, Уч ўт ўчирувчи жароҳат олди, юзлаб бинолар йўқ қилинди. Машина ичида оловдан қочаётган маҳал жон таслим қилган аёлнинг жасадини топишди.
ёнғин

Сурат манбаси, NASA/EPA

Сурат тагсўзи, Сунъий йўлдошлардан олинган суратларда "Томас" ёнғин ўчоғини акс этган. Унинг Тинч океани соҳилларига етиб борганини кўриш мумкин. Президент Трамп Калифорнияда фавқулотда ҳолат эълон қилиш бўйича федерал миқёсда фармон қабул қилди.
на многих дорогах остались сгоревшие автомобили

Сурат манбаси, Getty Images

Сурат тагсўзи, Ёнғин Калифорния штати қишлоқ хўжалигига катта зарба бергани ҳақида хавотирлар бор. Олов авокада экиладиган йирик плантацияларни йўқ қилган. АҚШнинг тахминан 90 % авокадаси Калифорнияда етиштирилади. Бу соҳа штатга кўп миллионли даромад келтиради.
ёнғин

Сурат манбаси, AFP

Сурат тагсўзи, Ёнғин Лос-Анжелес туманларидаги аҳоли яшайдиган массивларни вайронага айлантирган. Бой туман бўлмиш Бель-Эйрда олов туфайли аҳоли томонидан қолдирилиб кетилган кўплаб кошоналар жабр кўрган.
Калифорния

Сурат манбаси, Getty Images

Сурат тагсўзи, Шунга қарамасдан ҳукумат пайшанба куни айрим округларда эвакуация буйруғини бекор қилди. Бу одамларга қолдириб кетган уйларига қайтиш ва зарар миқдорини аниқлашга имкон беради. Шанба куни ўт ўчирувчилар оловнинг айрим манбаларини назоратга олишни уддалаган.