НАТО: Қуръон ёқилиши оқибатлари бартараф этилиши лозим

Афғонистондаги Америка кучларининг қўмондони генерал Жон Аллен, НАТО ва Афғонистон муносабатларининг сўнггида содир бўлган Америка аскарлари томонидан Қуръонни ёқилиши оқибатлари бартараф қилинади,- деб айтган Би-би-си мухбирига.

"Афғон кучлари билан ўзаро муносабатлар ҳам сақланиб қолади. Мен Афғонистон Ички ишлар вазирлиги биносига қуролсиз кириб боришим мумкин",- деб таъкидлаган жаноб Аллен.

25 февралда вазирлик биносида НАТО нинг икки юқори лавозимли вакили отиб ўлдирилган эди.

Бу қотилликда гумон қилинган вазирлик ходими бўлган шахс ҳали топилмаган.

Американинг Афғонистондаги элчиси Райан Крокер ҳам икки мамлакат ўртасидаги муносабатлар узилиб кетмаслигини айтган.

20 февралда Кобул яқинидаги Багром ҳарбий базасида ахлат ёқиладиган печ ичидан Қуръон топилган, печ ичида бошқа китоблар ҳам бўлган.

Барча китобларнинг террорчиликда гумон қилиниб қўлга олинган шахслардан мусодара қилингани хабар қилинган.

Бу китоблар қандай китоблар эканини билмаган америкалик ходимларнинг уларни ёқиш учун печга ташлаганлари айтилган.

Бу воқеа сабаб, бутун мамлакат бўйлаб норозилик намойишлари бошланиб кетган.

Намойишларда 30 кишининг қурбон бўлгани, улардан учтаси америкалик аскарлар экани айтилган.

Генералнинг айтишича, бундай муносабатдан таажжубланмаган. "Биз исломнинг бу одамларга аҳамияти катталигини тушунишимиз ва уни инобатга олишимиз керак",- деб айтган жаноб Аллен.

Аллен ўзининг Афғонистондаги НАТО кучлари сафида бўлган 10 йиллик фаолияти давомида Афғонистонда минглаб ҳарбийларнинг ислом динига эътиқодлари қанчалик баландлигини кўрсатганларини таъкидлаган.

Содир бўлган ҳодиса юзасидан НАТОнинг Афғонистондаги қўшинлари қўмондони генерал Жон Аллен расман кечирим сўраган ва ушбу ҳодиса юзасидан текшириш бошлаган.

Қуръон ёқилгани ҳодисаси туфайли АҚШ Президенти Барак Обама ҳам кечирим сўраган.

Афғонистон Президенти Ҳомид Карзай номига юборган мактубида Президент Обама ёзишича, Қуръонга "билмасдан ҳурматсиз муносабатда бўлинган".

Қуръонни ёқилишига сабаб бўлганларни қандай жазо кутмоқда, деган саволга генерал қидирув натижаларини кутиши маъқуллигини айтган.