Пенсилваниядаги отишма: олти инсон ўлдирилган, қуролли шахс қидирувда
Сурат манбаси, epa
Американинг Пенсилвания штатидаги Филаделфия шаҳри атрофида қуролланган шахс олти кишини отиб ўлдирган.
17 яшар ўспирин қаттиқ жароҳат олган.
Маҳаллий расмийларга кўра, қуролланган киши 35 ёшли собиқ ҳарбий Брэдли Уилям Стоун экани тахмин қилинмоқда.
Айтилишича, қурбонларнинг ҳаммаси Стоун яқинлари бўлганлар.
Ҳалок бўлганларнинг жасадлари уч жойдан - Соудертон, Лансдейл, Харлейсвилл аҳоли яшаш масканларидан топилган.
Гумондорни қидираётган полиция маҳаллий аҳолидан хавфсизлик юзасидан кўчага чиқмасликни сўраган.
Гумонланувчининг қуроллангани огоҳлантирган.
Брэдли Уилям Стоун ўзининг собиқ хотини Никол Стоунни, унинг онаси, опаси, куёви ва 14 ёшли қизини ўлдирган.
Гувоҳларнинг сўзларига кўра, илк отишма 15 декабр тонгида, соат 4 ларда Филаделфияда бошланган.
Дастлаб гумонланувчи собиқ турмуш ўртоғининг опаси Патрисия Фликнинг уйига бориб, оиланинг уч аъзосини ўлдирган.
17 ёшли Энтони оғир яраланган.
Сўнгра Брэдли Уилям Стоун собиқ хотинининг онаси ва бувисини отиб ташлаган.
Энг охирида гумонланувчи Никол Стоуннинг уйига бориб уни ҳам ўлдирган.
Қўшнилар Брэдли Стоун ўзининг икки боласини олиб уйдан югуриб чиққанини кўрганлар ва полицияга хабар берганлар.
Орадан бироз вақт ўтгач, болалар топилган, гумонланувчининг ўзи қидирилмоқда.
