Буюк Британия фазогири Қозоғистонга қўнди
Сурат манбаси, PA
Британиялик фазогир Тим Пик тушган“Союз” капсуласи Қозоғистон даштларига, Жезказган шаҳарчасидан 147 чақирим жануби-шарққа қўнди.
Роскосмос давлат корпорациясининг Twitter хабарида қўниш жараёни рисоладагидай кечгани айтилди.
Тим Пик билан бир қаторда фазо станциясини россиялик Юрий Маленченко ва америкалик Тимоти Копра тарк этишди.
Сурат манбаси, NASA
"Бу менинг умримдаги энг яхши саёҳат эди”, деди Тим Пик ерга қўниши билан.
"Кайфиятим кўтаринки, заминнинг ҳидлари жуда ҳам кучли...ерга қайтиш қандай гўзал! Оилам билан учрашни сабрсизлик билан кутмоқдаман”, деб айтган у.
Тим Пик Халқаро фазо станциясида 186 кун кечирди ва Ер сайёраси уч минг марта айланиб чиқди, бу эса жами 125 миллион чақирим деганидир.
Тим Пик фазодаги ярим йил давомида очиқ фазога чиққан илк британиялик бўлди.
- Bi-bi-si O‘zbek xizmati bilan Whatsapp, Telegram va Viber orqali bog‘lanishni istasangiz, telefonimiz:+44 78-58-86-00-02
- TELEGRAMDA ESA kanalimiz - https://telegram.me/bbcuzbek
- Instagram - BBC UZBEK
- Twitter - BBC UZBEK
- Odnoklassniki - BBC UZBEK
- Facebook - BBC UZBEK
- Google+BBC UZBEK
- YouTube - BBCUZBEK (https://www.youtube.com/user/bbcuzbek)
- Skype - uzbekbbclondon
- bbcuzbek.comga to‘siq bo‘lsa, uzbekweb.netga kiring.
