ဟာ့ဂျ်ဘုရားဖူး သေဆုံးသူအရေအတွက် ကွဲလွဲချက်ရှိ
ဓာတ်ပုံ ရင်းမြစ်, AFP
ဆော်ဒီ နိုင်ငံ၊ မက္ကာမြို့အနီးမှာ ပြီးခဲ့တဲ့ သီတင်းပတ်က လူအုပ်ပိလို့ သေဆုံးခဲ့ရတဲ့ ဟာ့ဂျ် ဘုရားဖူး အရေအတွက်ဟာ ၁ ထောင်ကျော် ဖြစ်တယ်လို့ နိုင်ငံအချို့က အရာရှိတွေက ပြောပါတယ်။
ဆော်ဒီ အာဏာပိုင်တွေရဲ့ နောက်ဆုံး ထုတ်ပြန်ချက်မှာတော့ သေဆုံးသူ အရေအတွက်က ၇၆၉ ယောက်သာ ဖြစ်တယ်လို့ ဖော်ပြပါတယ်။
ဒါပေမယ့် နိုင်ဂျီးရီးယား အရာရှိတစ်ယောက်က ဘီဘီစီကို ပြောရာမှာတော့ ဂျဒါးမြို့က ရင်ခွဲရုံတွေဆီကို လူသေ အလောင်း ၁ ထောင်ကျော် သယ်ဆောင် ခဲ့ကြတာကို တွေ့ခဲ့ရတယ်လို့ ဆိုပါတယ်။
လူ ၁ ထောင်ကျော် သေဆုံးခဲ့တယ် ဆိုတာကို အိန္ဒိယ၊ ပါကစ္စတန်နဲ့ အင်ဒိုနီးရှား အရာရှိတွေကလည်း ပြောခဲ့ကြပါတယ်။
ဆော်ဒီ အစိုးရကတော့ အခုလို သေဆုံးသူ အရေအတွက် ကွဲလွဲချက်နဲ့ ပတ်သက်ပြီး တစုံတရာ ရှင်းလင်းတာ မရှိသေးပါဘူး။
ဒီအမှု ဖြစ်ပွားပြီး နောက်ပိုင်း ဆော်ဒီ အစိုးရရဲ့ ကိုင်တွယ် ဆောင်ရွက်ပုံတွေကို နိုင်ငံ အများအပြားက ဝေဖန် ပြောဆို နေခဲ့ကြပါတယ်။
