અમદાવાદ : ખાનગી કંપનીમાં ભીષણ આગ, ફાયરબ્રિગેડના 31 વાહનો જોતરાયાં

અમદાવાદની સાણંદ જીઆઈડીસીમાં આવેલી એક ખાનગી કંપનીમાં ભીષણ આગ લાગી છે અને હાલમાં આગને ઓલવવાની કામગીરી ચાલુ છે.

બીબીસી ગુજરાતીના સંવાદદાતા સાગર પટેલને અમદાવાદ ફાયર-બ્રિગેડ વિભાગના અધિકારી રાજેશ ભટ્ટે જણાવ્યું કે ડાયપર બનાવતી આ કંપનીમાં આગ લાગી છે. આગને ઓલવવાના પ્રયાસો ચાલી રહ્યા છે.

યુનિચાર્મ નામની કંપની ડાયપર બનાવે છે અને તેને પગલે કંપનીમાં મોટા પ્રમાણમાં રૂનો ઉપયોગ કરવામાં આવે છે.

વીજકરંટને લીધે લાગેલી આગ અંદર પડેલા રૂને લીધે ભીષણ થઈ ગઈ હોવાનું ફાયરબ્રિગેડનું માનવું છે.

ફેકટરીના કર્મચારી સંકેત બીબીસી ગુજરાતીના ફેસબુક લાઇવમાં જણાવ્યું, "સવારે અમે જ્યારે પરિસરમાં હત્યા ત્યારે અંદરથી આગના ધુમાડા નીકળતા અમે બહાર નીકળી ગયા."

સંકેતના જણાવ્યા અનુસાર ફેકટરીમાં લગભગ 800 જેટલા કર્મચારીઓ કામ કરે છે અને અંદર રૂ જેવો સરળતાથી આગ પકડી લેતો કાચો માલ ભરેલો હતો.

હાલમાં આગને કાબૂમાં લેવા માટે કુલ 31 વાહનો અને 125 જેટલા ફાયરકર્મીઓ જોતરાયેલાં છે.

જોકે, સદનસીબે જાનમાલના નુકસાનના હજુ સુધી કોઈ અહેવાલો મળ્યા નથી.

તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો