Peter Crouch ya kafa tarihin cin kwallo da ka

Karanta rubutu kawai domin rage cin data
Peter Crouch

Asalin hoton, Getty Images

Bayanan hoto, Crouch ya ci kwallo 51 a gasar Premier a kungiya shida da ya buga wa tamaula
An wallafa

Dan wasan Stoke City, Peter Crouch ya shiga kundin tarihin na Guinness World Record a matsayin wanda ya fi cin kwallo da ka a gasar cin kofin Premier.

Dan wasan ya ci 51 da ka, hakan ya sa ya dara tsohon dan kwallon Blackburn da Newcastle Alan Shearer da guda biyar.

Crouch mai shekara 36, ya ci kwallo 105 a gasar Premier a wasa 436 da ya buga wa kungiyoyi shida.

Crouch ne ya ci wa Stoke City kwallon da ta doke Southampton a gasar Premier wasan mako na bakwai.