Dealbh air fhoillseachadh an dèidh ionnsaigh air trèana

Dh'fhoillsich Poilis Còmhdhail Bhreatainn dealbh CCTV de dh'fhireannach 's iad a' tuigse gur dòcha gum bi fiosrachadh aige mu ionnsaigh a chaidh a thoirt air fear-reic-thiocaidean air trèana eadar Inbhir Pheofharain agus Drochaid Sguideil Dihaoine an 1mh den Ghiblean.

Thachair an ionnsaigh mu 8:20f air seirbheis 7:28f eadar Àird Ghaoithe agus Inbhir Nis.

Thàinig an duine a tha san dealbh far an trèana aig Drochaid Sguideil.

Thuirt na poilis gu bheil e eadar 25-30 bliadhna a dh'aois, tana, le falt goirid donn, agus mu chòig throighean agus ochd òrlach a dh'àird.

Bha blas cainnt na sgìre air.

Chuir an Constabal Matt O'Neill, a tha os cionn an rannsachaidh, ìmpidh air duine sa bith a tha ag aithneachadh an duine san dealbh fios a chuir thuca.

'S urrainnear fios a chuir gu Poilis Còmhdhail Bhreatainn air 0800 40 50 40 neo tro a bhith a' cur teacsa gu 61016.

'S urrainnear cuideachd fios a chuir, gun a bhith a' fàgail ainm, gu a' chathrannas neo-eisimeileach Crimestoppers air 0800 555 111.