Seann Rathad an Airm fosgailte
- Air fhoillseachadh
Tha obair a' leantainn aig an A83.
Chaidh Seann Rathad an Airm ann an Gleann a' Chrò ann an Earra-Ghàidheal fhosgladh a-rithist.
Chaidh an rathad, a bhios air a chur gu feum mar shlighe-èiginn nuair a tha an A83 dùinte aig an Rest and Be Thankful, a dhùnadh aig meadhan-là Dimàirt is rabhadh buidhe ann airson uisge throm.
Rinneadh measadh air an t-suidheachadh a-rithist tràth Diciadain is chaidh an rathad fhosgladh às ùr.
Tha obair-càraidh a' leantainn air an A83 fhèin aig an Rest and Be Thankful às dèidh maoim-slèibhe bho chionn cola-deug.
