A83 air fosgladh às ùr

Dh'fhosgail an A83 aig an Rest and Be Thankful às ùr madainn Diciadain.

Chaidh an rathad a dhùnadh tràth san Lùnastal le maoim-slèibhe.

Ged a dh'fhosgail e nas tràithe air a' mhìos seo, cha do mhair sin ach beagan làithean is maoim-slèibhe eile ga fhàgail dùinte a-rithist.

Dh'innis Bear Alba gu bheil eòlaichean air sgrùdadh a dhèanamh air a' chreig is gu bheil e a-nise sàbhailte an rathad fhosgladh.

Tha solais trafaig eadar-amail gan cleachdadh.

Thuirt Bear gu bheil obair a' leantainn gus an rathad a dhìon.