Àrdachadh de chùisean dearbhte 's na h-Eileanan an Iar
- Air fhoillseachadh
Thàinig ardachadh anns an àireimh de chùisean dearbhte den choròna-bhìoras anns na h-Eileanan an Iar ann am beagan is seachdain - tha an àireamh a-nis aig 13.
Tha trì cùisean eile a' cur ris an deich a bh' ann.
Tha a' chùis a chaidh a chlàradh air an 17mh den t-Sultain, an dèidh deuchainn eile, a dhearbh nach robh Covid-19 air an neach, fhathast air a chunntais anns na h-àireamhan oifigeil aig Riaghaltas na h-Alba.
Ann an sgìre NHS na Gàidhealtachd, thàinig àrdachadh de 15 bho Dhiardaoin.
Tha an àireamh iomlan san sgìre a-nis de chùisean dearbhte de Chovid-19 aig 609.
Sin àrdachadh de 74 thairis air an t-seachdain mu dheireadh.
Bho Dhiardaoin, tha an àireamh de chùisean dearbhte ann an sgìre NHS Roinn a' Mhonaidh air a dhol suas 12.
